Diletto (已結業)

前排工作压力大，所以星期五周末决定食番餐好，以示奖励呢一个星期过后嘅辛劳。由于是日要去尖沙咀交收，于是就事前Research咗一番，最终朋友推荐下决定去呢间西餐厅，佢重点介绍除咗呢到环境好之外，意粉都系一定要试咁话，因此一向喜欢食意粉嘅我又点可以错过！是日天气有啲差，所以放工到埗后，天色好快变得昏昏暗暗，为餐厅增添咗几番情调。睇过Menu后我地分别柯打咗汤、意粉同披萨。等待其间餐厅端上面包篮，内里有二人份嘅意式面包，稍为烘热过外脆内热，可以用枱上预先准备好嘅陈醋同橄榄油点蘸享用，对饥肠辘辘嘅我而言真系来得及时。正当觉得口干时，餐汤亦随后送到，我地柯打咗蘑菇忌廉汤，带少许嘅松露同香草味道，稀杰度刚好，每口汤能尝到蘑菇打碎的口感，味道不俗。饮过汤等了片刻，我最期待嘅卡邦尼蚬肉意粉都到了。由卖相可见，意粉同汁嘅比例均衡。将鸡蛋发开平均地沾系意粉开始享用。最先要大赞是意粉煮得十分出色，面身煮至外软、但圆心中央有啲啲半生熟，食落弹牙，系传说中Al dente嘅口感。至于意粉汁亦都调味适中，既Creamy且带香浓芝士味，味道幼滑香口。就连平时我会忽视嘅蚬肉都有独特嘅鲜味，而且蚬内没有沙可见烹煮前准