江蘇銘悅

营业中

休息中

有一段时间冇食过中菜，最近就试咗呢间食江苏菜嘅中菜馆。虽然开喺旧式大厦入面，但装修一啲都唔差，餐厅环境好好亦座得好舒服。同时亦都好注重整体餐厅嘅气氛，连用嘅餐具都有山水画喺上面，成个配套都俾到你有一个明确主题嘅感受。呢度食物种类好多，而且卖相都非常吸引。生煎包系比较有惊喜嘅一样，个底煎到金黄色好香，脆得嚟上面白色包嘅部份都keep到软熟。入面啲汤够热味亦都够浓。非常值得一试。炸汤圆亦都系我非常欢喜嘅一环。炸汤圆外层炸得好松脆，白芝麻亦都有个好好嘅增香作用。内里奶皇流心，温度够暖所以食落去非常香口。非常推荐。总结系餐厅整体环境服务都体验良好，食物质素亦对得起价格。想食有水准嘅江苏菜都推荐嚟呢间江苏铭悦试一试。