Freshness Burger (已結業)

近年，开始尝试 M 记以外嘅快餐店，价钱比 M 记略贵，但人一世物一世，花多少少响食方面，都系值嘅 ... 今次，要试吓 Freshness Burger ... 考虑良久，order 咗一个双层芝士牛肉汉堡、大薯角、日式绿茶布甸 ... 双层芝士牛肉汉堡 ... 闻名不如见面，高不可攀，不知从何入 "口"，唯有逐层征服 ... 我发觉包住汉堡包嘅包纸，设计与众不同，呈纸角状，后来，方知佢嘅用处，食到两块扒嘅时候，大量汁液流泻而出，呢块纸角就系用嚟盛载肉汁架啦，但略嫌啲汁有啲人工化，似加工，营造 juicy 嘅感觉 ... 大薯角 ... 呢个唔错，即叫即炸，捧上嚟新鲜热辣，难得嘅系唔会炸到干巴巴，每一啖都食到绵绵嘅薯蓉 ... 日式绿茶布甸 ... 系近年新出嘅樽仔布甸，有绿茶 & 云呢嗱两款口味，作为绿茶怪，我梗系拣绿茶口味啦 ... 打开盖子，面头有一层类似红莓嘅酱料，酸酸甜甜，颇开胃，布甸软滑，有清香嘅绿茶味，好啱我口味，太饱啦，云呢嗱，下次先试啦 ... 顺带一提，开头我开极都开唔到樽布甸，一位侍应见我面有难色，即刻帮手，有啲"火罗"，但开心 ...