影片
更多
2023-03-07
988 浏览
Bombay Dreams 中环云咸街46-48号云明行1楼-----香港嘅印度餐厅好多，但系环境靓同时食物有质素嘅印度餐厅就真系10只手指绝对数得晒。呢间有10几20年历史嘅米芝莲推介印度餐厅Bombay Dreams就系少数具备两者嘅其中至一。.好耐之前同旧同事食过佢哋嘅午市自助餐，任食得黎却是质素上乘，为我带嚟深刻印象，是日周末晚市再访，人气依旧。20：00到步嘅时候，全场爆满，好彩有book到台先黎。装修富贵气，高级感满满，餐牌亦精致有质感。客人有香港本地人、印度人，亦都有好多其他外国人。餐厅首先送上前菜，类似泰式辣酱配面包🍞，好特别.🍗Non Vegetarian ($268)睇个名都知系无素嘅，啱晒一众食肉兽。呢碟杂锦烧烤里面包括咗有“Tandoori Nisha / Fish Tikka / Murgh Tikka Peshawari /TeBoti Kebab / Raunak-E-Seekh“当中个人最钟意就系大虾，新鲜爽弹，令人一食难忘。鸡同鱼亦非常嫩口，调味啱啱好无过重，火候控制亦是恰到好处。.🐏Lukhnowi Gosht Biryani（$238）用多款印度香
中环云咸街46-48号云明行1楼
-----
香港嘅印度餐厅好多，但系环境靓同时食物有质素嘅印度餐厅就真系10只手指绝对数得晒。呢间有10几20年历史嘅米芝莲推介印度餐厅Bombay Dreams就系少数具备两者嘅其中至一。
.
好耐之前同旧同事食过佢哋嘅午市自助餐，任食得黎却是质素上乘，为我带嚟深刻印象，是日周末晚市再访，人气依旧。20：00到步嘅时候，全场爆满，好彩有book到台先黎。
装修富贵气，高级感满满，餐牌亦精致有质感。客人有香港本地人、印度人，亦都有好多其他外国人。
餐厅首先送上前菜，类似泰式辣酱配面包🍞，好特别
.
🍗Non Vegetarian ($268)
睇个名都知系无素嘅，啱晒一众食肉兽。呢碟杂锦烧烤里面包括咗有“Tandoori Nisha / Fish Tikka / Murgh Tikka Peshawari /TeBoti Kebab / Raunak-E-Seekh“当中个人最钟意就系大虾，新鲜爽弹，令人一食难忘。鸡同鱼亦非常嫩口，调味啱啱好无过重，火候控制亦是恰到好处。
.
🐏Lukhnowi Gosht Biryani（$238）
用多款印度香料煮成嘅印度香饭，湿润且层次丰富，别具印式风味，连配浓而不膻嘅羊肉，单食或是捞咖喱都不错。
🐟Mahi Sunehri（$178）
🐥Chicken Makhni （$188 ）
以香草、蕃茄、牛油、忌廉等等调配而成嘅Chicken Makhni，其实亦即系坊间嘅Butter Chicken，系佢哋嘅Signature之一，甜甜地唔会太辣，系非常之适合香港人口味嘅咖喱。作为Signature当然冇令人失望，但系要说令我感到惊喜嘅，就系另一款咖喱Mahi Sunehri，呢款咖喱用咗姜黄、小茴香、芫荽、孜然、蒜蓉等等嘅材料调配而成，汁底惹味幼滑至极，将本来较淡味嘅新鲜龙利鱼柳味道立马跃升好几级，无论系配搭Roti 定Naan都非常合适，餐厅完全系欠呢款咖喱一个“Signature”嘅称呼。
🍦甜品方面，推荐大家一试印度雪糕“Kulfi“，奶味香浓，质感系雪糕同沙冰之间，食完带住甜味系口腔离开，满足。
全单价钱比大家参考：
张贴
