影片
更多
2023-08-15
24 浏览
同另一半撑枱脚想锯扒食意粉又唔想专登开炉煮🍽️，一于嚟LIFETASTIC BISTRO！「炭烧澳洲谷饲黑安格斯封门柳」身为牛魔王紧系要食得刁钻啲，黑安格斯牛以其卓越口感、优雅味道同丰富营养而闻名；而封门柳部位刁钻又稀少，可以系话一「柳」难求😋由于牛呢个部位甚少活动，所以出名肉质柔嫩，肉味比起其他部份更浓更特别，更显质素讲究💪LIFETASTIC 全新菜式「炭烧澳洲谷饲黑安格斯封门柳」绝对满足到钟意肉味浓者口腹之欲！封门柳外层烧至焦香，中间系深红色，表面淋上酱汁✨另外有芦笋、薯蓉、番茄等炭烧配菜，摆盘好靓呢～一切开黑安格斯封门柳，果然唔系浪得虚名！肉质非常柔软，但一刀切落去又唔会好易散开。深沉嘅肉色背后更蕴藏极大滋味😙因为佢本身嘅肉味真系好浓，配搭任何酱汁，牛味都可以突显返出嚟，而店铺嘅自家调配酱汁系带有甜味嘅烧汁，丰富肉汁加上香浓风味，连配菜都炭烧得好香，达到我呢个牛魔皇对于食牛嘅要求。「明太子软壳蟹意大利粉」又就快到秋天喇，又系食蟹嘅季节，作为一个好钟意食蟹但又唔钟意自己剥蟹壳嘅人，食软壳蟹简直系最佳选择😉特别系炸软壳蟹，继承咗传统天妇罗嘅酥脆外皮，两者嘅结合呈现咗炸软壳蟹独特嘅风味
同另一半撑枱脚想锯扒食意粉又唔想专登开炉煮🍽️，一于嚟LIFETASTIC BISTRO！
「炭烧澳洲谷饲黑安格斯封门柳」身为牛魔王紧系要食得刁钻啲，黑安格斯牛以其卓越口感、优雅味道同丰富营养而闻名；而封门柳部位刁钻又稀少，可以系话一「柳」难求😋由于牛呢个部位甚少活动，所以出名肉质柔嫩，肉味比起其他部份更浓更特别，更显质素讲究💪
LIFETASTIC 全新菜式「炭烧澳洲谷饲黑安格斯封门柳」绝对满足到钟意肉味浓者口腹之欲！封门柳外层烧至焦香，中间系深红色，表面淋上酱汁✨另外有芦笋、薯蓉、番茄等炭烧配菜，摆盘好靓呢～一切开黑安格斯封门柳，果然唔系浪得虚名！肉质非常柔软，但一刀切落去又唔会好易散开。深沉嘅肉色背后更蕴藏极大滋味😙因为佢本身嘅肉味真系好浓，配搭任何酱汁，牛味都可以突显返出嚟，而店铺嘅自家调配酱汁系带有甜味嘅烧汁，丰富肉汁加上香浓风味，连配菜都炭烧得好香，达到我呢个牛魔皇对于食牛嘅要求。
「明太子软壳蟹意大利粉」又就快到秋天喇，又系食蟹嘅季节，作为一个好钟意食蟹但又唔钟意自己剥蟹壳嘅人，食软壳蟹简直系最佳选择😉特别系炸软壳蟹，继承咗传统天妇罗嘅酥脆外皮，两者嘅结合呈现咗炸软壳蟹独特嘅风味，系炸物同海鲜爱好者嘅福音。意粉上有一只炸过嘅软壳蟹🦀 软壳蟹外皮炸得香脆唔油腻，经过酥炸锁住咗蟹嘅鲜味💕意粉好烟韧弹牙，明太子更布满整碟意粉，加上面头洒咗啲鱼子，所以每啖都会明显感受到粒粒嘅口感，整体味道咸香十足好有冲击力！用叉温文地慢慢将意粉卷起，放入口中，真系好满足😆
「荔枝西瓜蛋糕」嚟得LIFETASTIC BISTRO，当然要食埋佢哋出品嘅蛋糕先算得系完满啦🤭LIFETASTIC持续进⾏研发采⽤令蛋糕滋味更丰郁嘅⾹甜食材组合及改良蛋糕食谱，推出全新水果系列嘅西瓜蛋糕🍽今次叫咗荔枝西瓜蛋糕，重点戏同样系有一片多汁西瓜，但不同嘅系加入清甜可口又多汁嘅荔枝作为主要材料👆蛋糕顶层系以接骨⽊花⽔糅合荔枝果⾁制成嘅果冻，夹层以幼滑细腻嘅接骨⽊花味忌廉及完⽚西瓜互相层叠，⾯层更有紫蓝⾊⽮⾞菊花瓣作点缀，整体十分雅致，建议一定要由最上层嘅果冻到最下层嘅杏仁饼底一齐送入口，咁先对得住咁用心机整嘅甜品🤲
「招牌草莓西瓜沙冰」西瓜系一种水分含量好高嘅水果，而草莓亦含有一定比例嘅水份，将佢地打成沙冰，能感受沙冰融化时带嚟嘅丝丝冰凉，每一啖都系咁清新鲜爽～细腻凉爽嘅冰沙混合住丰富嘅果香，拯救咗躁热嘅夏天！
「芒果热情果梳打」黄色嘅视觉非常有夏天嘅感觉，充盈而雀跃嘅小汽泡不断上升。用饮管轻轻搅拌一下，令芒果及热情果嘅清香同梳打水充分混合，饮一啖会感受到水果嘅清香同汽泡嘅爽口，顿时还你好胃口～
张贴
