新金豐餐廳

营业中

休息中

Item: 新金豐餐廳
Rating: 5
Author: 肥髀妈

New Kam Fung Restaurant

3.5

69 食记

味道

环境

服务

卫生

抵食

661

葵涌

$50以下

港式茶餐厅/冰室咪嘥嘢食店

资讯:
餐厅:	新金豐餐廳

为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。

详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign

肥髀妈

等级4

2.6K

日日周围游做嘢！响街揾食都系日常要烦嘅重要事！今日四个人去到石荫！已经系下午茶时间，连午餐都未食！稳阵啲都系上openrice睇一睇！拣咗呢一间茶餐厅，茶餐厅最好，乜都有得食，人人都一定拣到！因为要睇住架车！所以坐响近窗卡位！好快已经拣咗下午茶餐嘅「星洲炒米」($31)包热柠茶！因为呢间餐厅未食过，拣呢样系要稳阵！都要等10分钟先上菜（要等即系即炒）卖相好靓，份量男仔食都够饱，米粉炒得干身！条条分明！唔会碎湿湿！仲要烟韧！其他配料足料！虾唔会爽而无味，好多叉烧同火腿丝，仲有鸡蛋、洋葱同芽菜，见配料多过米粉！咖哩粉香而不辣，好均匀痴住米粉！讲真星米嘅材料好简单，又唔系贵价嘢，但炒得好嘅好难！呢碟真系近期食茶餐厅嘅最好味星米！茶餐厅热柠茶茶胆有保证，香浓但唔涩，虽然唔系用瓦杯，都用厚身有耳胶杯！有啲茶餐厅用透明无耳胶杯装热饮！热嘅时候攞唔起嚟饮，攞得起时已经凉咗，唔好饮！餐厅装修新净光猛，桌椅唔会油淋淋，难得厕所干净，有齐吹手机，洗手液同厕纸！地下无水渍，唯一系无个勾挂手袋！唔方便女士！呢间茶餐厅卫生真系唔错！因为见到侍应趁下午茶时候少人，执拾餐具柜桶！而且侍应有礼！同事赞侍应上饮品时，会

日日周围游做嘢！响街揾食都系日常要烦嘅重要事！

今日四个人去到石荫！已经系下午茶时间，连午餐都未食！稳阵啲都系上openrice睇一睇！拣咗呢一间茶餐厅，茶餐厅最好，乜都有得食，人人都一定拣到！因为要睇住架车！所以坐响近窗卡位！好快已经拣咗下午茶餐嘅

「星洲炒米」($31)包热柠茶！因为呢间餐厅未食过，拣呢样系要稳阵！

都要等10分钟先上菜（要等即系即炒

）卖相好靓，份量男仔食都够饱，米粉炒得干身！条条分明！唔会碎湿湿！仲要烟韧！其他配料足料！虾唔会爽而无味，好多叉烧同火腿丝，仲有鸡蛋、洋葱同芽菜，见配料多过米粉！咖哩粉香而不辣，好均匀痴住米粉！讲真星米嘅材料好简单，又唔系贵价嘢，但炒得好嘅好难！呢碟真系近期食茶餐厅嘅最好味星米！茶餐厅热柠茶茶胆有保证，香浓但唔涩，虽然唔系用瓦杯，都用厚身有耳胶杯！有啲茶餐厅用透明无耳胶杯装热饮！热嘅时候攞唔起嚟饮，攞得起时已经凉咗，唔好饮！
餐厅装修新净光猛，桌椅唔会油淋淋，难得厕所干净，有齐吹手机，洗手液同厕纸！地下无水渍，唯一系无个勾挂手袋！唔方便女士！呢间茶餐厅卫生真系唔错！因为见到侍应趁下午茶时候少人，执拾餐具柜桶！而且侍应有礼！同事赞侍应上饮品时，会讲清楚每杯饮品！呢样好多地方都做唔到！尤其奶茶、咖啡、鸳鸯呢类饮品好易搅错！所以呢餐除咗食物好味！服务同卫生先至难得！抵赞！