Ann Mamma Thai kitchen by 張秀玲

营业中

休息中

之前行经见到门面几靓 已经好想试 今次去食 发现餐厅楼高两层 地下既装修似cafe多过似平时既泰国菜餐厅 而楼上既装修就较为简约 走工业风太即庆无book位 星期五6点半黎到 7半就要还枱 本身仲以为未必够时间食 但系上菜速度又几快▪️黄咖喱 $88黄咖喱有牛腩同鸡肉 两款肉类供选择泰式咖喱偏水状 食落浓椰香 带小小辣味 惹味得黎又几容易接受 几适合净系食到小小辣既人鸡肉嫩滑 份量还可接受 食落无睇落咁少咖喱当中加左超多蔬菜！有西兰花 椰菜花 南瓜 茄子 爽口豆角 份量多到完全掩盖左啲鸡肉 有一刻以为我地嗌错左杂菜咖喱 蔬菜真系超索汁 食落仲惹味过旧鸡肉 不过略嫌南瓜煮得唔够软冧▪️烤薄饼 $48烤薄饼薄薄一块 单食微脆 口感有啲似粉团 个人就唔太钟意 不过吸咖喱汁确实一流▪️椰子开心果沙冰 $48沙冰不得了 打卡真心正饮落好重冰感 淡淡椰香 有粒粒开心果碎 开心果味偏低调 不过就增加左唔少口感 当椰子沙冰黎饮都几唔错▪️生菜肉碎包 $98有猪肉鸭肉 两款肉类供选择猪肉完全唔柴唔韧 口感一流调味同平时既有啲唔同 好钟意佢既肉碎带酸味 配埋新鲜爽口生菜 几清新开胃⁣⁣⁣⁣⁣⁣⁣⁣⁣⁣⁣⁣⁣⁣⁣⠀