影片
更多
2017-05-03
1620 浏览
今日同几位朋友路经中环，openrice睇吓附近有咩食，揾到呢间印度餐厅，评价好似几好，就决定试下。环境昏暗，陈设有印度风情，好似出左国旅行咁。店员清一色系印度人，要用英文沟通，而Menu中英对照，唔使担心！🥛Masala Tea 印度奶茶$38🍼Mango Lassi 乳酪特饮 $48我点嘅系Mango Lassi，相当好饮，系我最爱嘅印度特饮！🍘Samosa 薯蓉咖哩角$48一碟四件，形状似埃及金字塔，好大件，咬开仲热辣辣添！里面有薯蓉、青豆。咖喱辣辣地，食唔到辣嘅朋友辣到不断饮嘢，哈哈！🍛Chicken Makhani 奶油咖哩鸡$108由于朋友唔食辣，所以故意避开晒啲辣野，拣咗呢一碟奶油咖喱鸡。结果相当惊喜，鸡肉嫩滑，而且我非常喜欢酱汁甜甜地嘅奶油香，用嚟捞饭或配烤饼食真系一流！🌮Garlic Naan 蒜蓉烤饼 $30蒜蓉烤饼亦都系我是夜推介嘅菜式之一，见到烤饼嘅色泽已经流口水，莫讲话闻到蒜蓉香！＄30真系好抵食，其实我好有冲动encore啰！🥗Paneer Palak芝士烩菠菜茸 $78朋友系芝士控，所以佢点左呢款，但其实我地唔系好食到芝士，反而食到类似鱼腐嘅物体，或者印度
今日同几位朋友路经中环，openrice睇吓附近有咩食，揾到呢间印度餐厅，评价好似几好，就决定试下。
环境昏暗，陈设有印度风情，好似出左国旅行咁。
店员清一色系印度人，要用英文沟通，而Menu中英对照，唔使担心！
🥛Masala Tea 印度奶茶$38
🍼Mango Lassi 乳酪特饮 $48
我点嘅系Mango Lassi，相当好饮，系我最爱嘅印度特饮！
🍘Samosa 薯蓉咖哩角$48
一碟四件，形状似埃及金字塔，好大件，咬开仲热辣辣添！里面有薯蓉、青豆。咖喱辣辣地，食唔到辣嘅朋友辣到不断饮嘢，哈哈！
🍛Chicken Makhani 奶油咖哩鸡$108
由于朋友唔食辣，所以故意避开晒啲辣野，拣咗呢一碟奶油咖喱鸡。结果相当惊喜，鸡肉嫩滑，而且我非常喜欢酱汁甜甜地嘅奶油香，用嚟捞饭或配烤饼食真系一流！
🌮Garlic Naan 蒜蓉烤饼 $30
蒜蓉烤饼亦都系我是夜推介嘅菜式之一，见到烤饼嘅色泽已经流口水，莫讲话闻到蒜蓉香！＄30真系好抵食，其实我好有冲动encore啰！
🥗Paneer Palak芝士烩菠菜茸 $78
朋友系芝士控，所以佢点左呢款，但其实我地唔系好食到芝士，反而食到类似鱼腐嘅物体，或者印度嘅芝士同我地预期中有出入啦。而菠菜茸嘅口感，我亦麻麻哋，一pat pat野，所以都系朋友食多啲。
🍚Kashmiri Pulao喀什米尔黄饭 $58
呢个饭非常特别，主要配料系水果，食到好重菠萝味，系我食过最甜嘅饭！(重申：朋友唔食得辣)
🍡Gulab Jumum 甜汤丸 $48
最后点左印度甜品，非常好奇佢哋嘅汤圆同我地中国嘅汤圆有乜分别。结果系印度汤圆甜到好似食一羹砂糖入口咁，甜到打冷震！
系香港，食得多中国菜、日本菜同埋西餐，偶尔食下印度菜都几有新鲜感，而且重点系印度菜其实好好食，一啲比较大路嘅菜式绝对啱香港人口味。
最后，值得一提嘅系服务员态度好Nice，偶然讲一两句中文，氹到我哋好开心添！哈哈！
张贴
