影片
更多
2022-09-01
354 浏览
系呀，又系北角汇😅😅几钟意呢个商场，食嘢行街都方便！今日就讲下一直都有食开嘅「咖吔」。呢间舖其实坐得几舒服，当然食午餐时间同星期日多外佣姐姐就另计啦！由门口到入面装修同埋店员衣服都好东南亚feel！唔浪费时间，讲下嘢食先🤣巴东牛肉配斑斓椰酱饭呢个一黎到就觉得好靓，绿色嘅饭配上巴东牛肉，食入口牛肉都够淋同入味，唔会「痴牙」，个椰浆饭味道都好浓。地道老鼠粉呢个好香，老鼠粉即系银针粉，入面有埋猪肉碎同鱼干仲有肉松捞埋一齐个味道好浓厚！不过个人觉得偏咸咗少少！海南鸡饭拉喇沙米线呢个系推介，佢地嘅海南鸡就算胸位置都唔「鞋」，无骨，鸡油饭好香！但建议先食咗个饭再食喇沙，啱哂大胃口嘅人士！槟城虾面传统槟城面，配埋材料都好饱架，味道方面我就觉得个汤无喇沙咁香，不过都有虾嘅鲜味！新加坡喇沙 米线/掺掺呢个我食咗好几次，好欣赏佢地个汤好够味，有啲似去咗新痴坡大排档食嘅味道，用料都好足架，有哂鱼蛋同虾系入面，私心推介呢个！辣椒板面配鱼丸汤呢个面质个觉得一般，唔知系咪未煮得淋咗啲，唔够弹牙，但个辣酱同辣肉碎就够哂味道，食完觉得浓味仲有个鱼丸汤清清口感！桔仔甜梅水跟餐可以order一杯（不另收费），可以拣热/冻
呢间舖其实坐得几舒服，当然食午餐时间同星期日多外佣姐姐就另计啦！由门口到入面装修同埋店员衣服都好东南亚feel！唔浪费时间，讲下嘢食先🤣
巴东牛肉配斑斓椰酱饭
呢个一黎到就觉得好靓，绿色嘅饭配上巴东牛肉，食入口牛肉都够淋同入味，唔会「痴牙」，个椰浆饭味道都好浓。
地道老鼠粉
呢个好香，老鼠粉即系银针粉，入面有埋猪肉碎同鱼干仲有肉松捞埋一齐个味道好浓厚！不过个人觉得偏咸咗少少！
海南鸡饭拉喇沙米线
呢个系推介，佢地嘅海南鸡就算胸位置都唔「鞋」，无骨，鸡油饭好香！但建议先食咗个饭再食喇沙，啱哂大胃口嘅人士！
槟城虾面
传统槟城面，配埋材料都好饱架，味道方面我就觉得个汤无喇沙咁香，不过都有虾嘅鲜味！
新加坡喇沙 米线/掺掺
呢个我食咗好几次，好欣赏佢地个汤好够味，有啲似去咗新痴坡大排档食嘅味道，用料都好足架，有哂鱼蛋同虾系入面，私心推介呢个！
辣椒板面配鱼丸汤
呢个面质个觉得一般，唔知系咪未煮得淋咗啲，唔够弹牙，但个辣酱同辣肉碎就够哂味道，食完觉得浓味仲有个鱼丸汤清清口感！
桔仔甜梅水
跟餐可以order一杯（不另收费），可以拣热/冻，真材实料嘅，有原粒话梅同桔仔系入面，我觉得消暑几啱！
椰子斑斓冰
呢杯系特别order黎影相🤣🤣🤣个样好得意，成杯青bb，但估唔到斑斓味好够㖞，唔系用斑斓色上色就算，椰汁味都有，仲要系沙冰，好味！
其实呢间食午餐或下午茶都系好抵食，但每到中午时间就要等位，所以我次次都系早啲食唔洗排！
张贴
