影片
更多
2023-04-06
190 浏览
今次第一次嚟铜锣湾新地标「Sugar+」觅食，呢幢大厦入面有唔少高级餐厅，当日我就拣咗呢间「Oouli」食韩式料理，主打釜山传统美食🇰🇷甫进餐厅就会见到一整排落地玻璃，我坐嘅窗边位置可以欣赏到维港景色🏙 当日黄昏时间嚟到，可以望到天色慢慢变暗，入夜气氛更浪漫🌹 餐厅装修时尚有品味，环境宁静，服务有质素🤵🏻晚市tasting menu有9道菜(1480p.p.)，Menu海鲜类同淀粉质类比较多，主打韩国新鲜海鲜同韩国直送食材😼♥ Oouli Bu Gak 选用济州海藻及釜山海苔，包裹住米浆炸成嘅脆片，有啲似紫菜天妇罗～不过用米浆炸出嚟口感较厚实同更脆口，无油腻感～ 济州海藻味道同质感都较为特别，有一种特有嘅甘苦味，另外仲配上三色豆腐酱，幼滑清新。 店员有提醒底部啲芝麻脆片只系作装饰，不宜食用㗎～🙊♥ Jagal - Chi刺身由韩国直送，唔同季节会食到唔同嘅时令刺身🐟 今次刺身拼盘有左口鱼、酱油大虾同酱油三文鱼🍣 配上自家制辣海鲜酱及面豉酱，令刺身鲜味更突出，配搭新奇有趣！ ♥ Deul Kkae - Juk对韩国人嚟讲韩式粥品系非常适合用嚟宴客，呢款粥添加韩牛、蚬肉、蔬菜，煮咗15个钟
甫进餐厅就会见到一整排落地玻璃，我坐嘅窗边位置可以欣赏到维港景色🏙 当日黄昏时间嚟到，可以望到天色慢慢变暗，入夜气氛更浪漫🌹 餐厅装修时尚有品味，环境宁静，服务有质素🤵🏻
晚市tasting menu有9道菜(1480p.p.)，Menu海鲜类同淀粉质类比较多，主打韩国新鲜海鲜同韩国直送食材😼
♥ Oouli Bu Gak 选用济州海藻及釜山海苔，包裹住米浆炸成嘅脆片，有啲似紫菜天妇罗～不过用米浆炸出嚟口感较厚实同更脆口，无油腻感～ 济州海藻味道同质感都较为特别，有一种特有嘅甘苦味，另外仲配上三色豆腐酱，幼滑清新。 店员有提醒底部啲芝麻脆片只系作装饰，不宜食用㗎～🙊
♥ Jagal - Chi刺身由韩国直送，唔同季节会食到唔同嘅时令刺身🐟 今次刺身拼盘有左口鱼、酱油大虾同酱油三文鱼🍣 配上自家制辣海鲜酱及面豉酱，令刺身鲜味更突出，配搭新奇有趣！
♥ Deul Kkae - Juk对韩国人嚟讲韩式粥品系非常适合用嚟宴客，呢款粥添加韩牛、蚬肉、蔬菜，煮咗15个钟以上，鲜甜美味，营养丰富～ 仲有薄脆米饼伴粥，增加口感😼
♥ Han - Ip卖相好精致🌸 将橡子果冻切成花嘅形状，令我谂起菊花豆腐，同样好考刀功👀 橡子果冻口感似蒟蒻，伴以酸酸地嘅冻汤及爽口章鱼片，非常醒胃！另外更奉上炸豆腐鳕鱼子三文治，馅料夹住鳕鱼子及泡菜，豆腐用紫菜包裹去炸～ 口感特别😺 再饮啖自家调制米酒，有风味🤭
♥ Bo Yang - Sig 仪式感满满嘅一道菜，喺人参鸡汤Risotto上放咗鸡丝，再喷上人参酒，以创意嘅方式去呈现一道传统菜式😙
♥ Jili - Tang用海鲜清汤打成泡沫，面头有弹牙嘅烤釜山鲍鱼及洒上辣椒粉，汤嘅底部则有萝卜，整体味道清甜😉
♥ Jan chi☞ 烤韩国顶级1++韩牛
主菜必点呢个，韩牛烤到啱啱好肉质粉嫩，肉汁丰富，油脂香满满！配上萝卜蓉无咁腻！如果你系追求更丰富嘅油脂，咁就要拣澳洲和牛喇～
☞ 36小时慢煮济州黑毛猪五花以芝麻叶、腌白萝卜片包裹烤猪腩肉一齐食，味道正宗！配搭酱料去食辣得惹味！
♥ JinSu - Sung Chen店员推住架手推车奉上釜山饭，原来呢度嘅珍珠米系由主厨韩国自家农地种植再直送香港😲 店员话比市面上嘅大米更有米香！伴菜有黑豆、生鱼肚、腌制芝麻叶、韩国辣椒、鱼仔，另外仲有一碗热辣辣嘅鳗鱼汤配饭食，食完非常之饱肚！
♥ Hu- Sig用糯米及年糕制作窝夫好烟韧，趁热食年糕更加会拉丝，加埋自家制云呢拿雪糕，可以满足我嘅甜品胃🤰🏻
💬 总结
成餐饭味道传统正宗，甚有釜山风味～ 呢度景观开扬，嚟个浪漫约会都适合👩🏻❤️👨🏻
张贴
