千府·居食屋 (已結業)

有人将会远行，所以今日就谂住食餐好。今日就去咗胜利道2号嘅一间日本居酒屋“千府“食晚饭。 先嚟头盘就系一个佐酒小食$30 ，有青瓜同埋萝卜切条，配点一个厨师特制嘅提鱼酱汁。提鱼就好似香港嘅咸鱼 ，咸咸香香，作为开胃菜很不错。 第二度小食就系一个“萤光鱿鱼冲渍“$48 ，滑潺潺嘅口感好得意， 鱿鱼嘅味道好香， 渍物嘅味道比较重身，好适合配酒。 再嚟就系一个“松叶蟹波波“$148。啖啖蟹肉， 感觉十分奢侈， 海量嘅蟹肉鲜味充斥著每一个味蕾。 最重点嘅当然就系“寿司拼盘9件“$298，有海胆，带子裙边，和牛等等。 每一件都做得好出色 ，饭粒大小适中，一啖一件，简直就系一次过满足晒多重愿望。 然之后就系串烧， 水准合格有余。 有番薯仔$25，冬菇。 下一道菜就系一个“松叶蟹膏蟹肉茶蒸碗“$58。同样地每一口都有 蟹膏嘅鲜咸香味， 而且个蛋蒸到好似bb嘅肌肤一样滑。 最后一个主食就系“安格斯牛肉乌冬$108， 清清地又饱肚满足， 乌冬煮到啱啱好口感弹牙。 去到甜品都冇令到我失望，就系一个“宇治抹茶红豆布丁 “$48，布丁做得十分Q弹，浓郁嘅抹茶味道 ，唔会太甜亦都唔会好腻，作为一餐饭嘅终结最完美