すき焼 森 (荷李活道) (已結業)

太耐冇得去日本🇯🇵所以想食寿喜烧止一止瘾。拣咗呢一间人气寿喜烧餐厅，大概早咗大半个月打电话去预约~Sukiyaki Lunch Set $580呢个Lunch set可以拣牛或者豚，我就拣咗牛。成个set包咗前菜、茶碗蒸、野菜、A4和牛、米饭、甜品同饮品，份量非常足够，食完抱住个肚走😂每枱客人都有一位师傅负责。食席前料理当然要欣赏师傅嘅手势啦💁🏾‍♂️师傅除咗技术好之外，仲好熟悉每一款食材，一边炮制一边讲解食材嘅特色，令我获益良多🤓寿喜烧嘅野菜相当新鲜，令我最为惊喜的非日本洋葱莫属。因为佢每一层都有唔同嘅风味，愈近洋葱芯愈甜😋至于A4和牛，对得住个价钱有余。牛肉嘅油脂感爆棚，食落非常滑溜，同时亦不乏牛香。🤤店员也相当殷勤，服务态度不错。