讚好台灣

营业中

休息中

红磡高性价比台湾菜，分量亦好大。盐酥鸡干拌面配料相当丰富，肉燥、青瓜丝、盐酥鸡块、小香葱、分量惊人，完全够两个女仔食。捞一捞，个面好有咬口，唔会好淋。盐酥鸡都合格。酱油葱串大肠哇，呢个菜小女子我一试爱上。大肠外皮酥脆，有新鲜既香葱，再淋上甜豉油，入口酥脆，咸香，大肠配埋小葱，仿佛回到台湾夜市！肉燥香酥排骨汤面夜晚想食轻味小小，嗌左番茄汤底，味道清甜，排骨肥瘦相间，唔鞋，个面同干拌面一样系好有口感既手工面。总体都味道不错。椒麻牛肚丝作为米饭爱好者，呢个小食送饭一流，牛肚丝弹牙且入味，配上椒麻汁同红油，味道香而唔系好辣，好岩唔食得辣既朋友。