影片
更多
2024-03-05
39 浏览
天气咁冻梗系要去打下边炉啦~ 咧个火锅+放题套餐就啱晒！！我哋叫咗个美国牛颈脊套餐。一定要讲下佢𠮶两款牛肉。我一直好中意食牛板腱，唔会肥之余，肉质唔柴，另外有啲筋夹喺肉入面，食落好有口感。至于牛颈脊呢，就系喺牛颈及肩胛之间嘅，系牛只活动最多嘅部位，见佢脂肪唔多，分布得又好平均，有肉味之余又有咬口，咧两款肉啱晒中意食肉又怕肥嘅人（我）！！玉子同蟹柳不嬲都系我挚爱，佢啲小卷包住玉子同蟹柳嘅饭唔多，可以留多啲quota食其他嘢。佢个醋饭其实几好食，如果唔系食放题真系会叫多几碟～至于甜品，讲真唔系好多地方有蕨饼食，有都颇贵，佢咧度趁住放题就梗系点都试下啦～ 好香抹茶味之余，蕨饼唔会好甜，配上抹茶粉嘅微苦啱啱好，烟烟韧韧咁好好食！佢仲有好多小食同火锅料可以叫，不能尽录。特别提下佢咧度竟然有陈皮鱼蛋，真系唔多打边炉嘅地方会见到，中意嘅不妨去试下！！
玉子同蟹柳不嬲都系我挚爱，佢啲小卷包住玉子同蟹柳嘅饭唔多，可以留多啲quota食其他嘢。佢个醋饭其实几好食，如果唔系食放题真系会叫多几碟～
至于甜品，讲真唔系好多地方有蕨饼食，有都颇贵，佢咧度趁住放题就梗系点都试下啦～ 好香抹茶味之余，蕨饼唔会好甜，配上抹茶粉嘅微苦啱啱好，烟烟韧韧咁好好食！
佢仲有好多小食同火锅料可以叫，不能尽录。特别提下佢咧度竟然有陈皮鱼蛋，真系唔多打边炉嘅地方会见到，中意嘅不妨去试下！！
张贴
