嵐橋日本料理

营业中

休息中

有好多日本餐厅既尖沙咀白兰轩道，揾到一间三层式既日本餐厅，地下系丼饭专门店，楼上系日式居洒屋，餐厅带日本风格，呢日我哋上左1楼，行上楼梯见到梯级摆放左酒，全部都系日本酒，彷如置身系日本一样～餐厅充满和风特式设计，木系家俱陈设，简洁明亮，坐系吧枱位置，视觉和味觉都正在享受美食。睇吓餐牌先，食物种类都比较多同丰富，除左新鲜既刺身，亦有寿司、串烧、锅物、天妇罗、卷物、小食、甜品、饮品等等，实在太吸引啦！厨师精选特上寿司定食       $328呢个定食摆盘精美，种类非常丰富，共八款唔同食材 : 大拖罗、日本海胆、帆立贝、牡丹虾、左口鱼、油甘鱼、季节鱼及葱花吞拿鱼腩蓉小卷，款款刺身好新鲜，甘香美味，寿司用咗赤醋饭，食起嚟饭粒软糯带微酸，调味啱啱好，够入味，就算唔点豉油都咁好食。定食配埋沙律、茶碗蒸、渍物和味噌汤，沙律新鲜爽脆，茶碗蒸口感幼滑，青瓜渍物好fresh，味噌汤饮落顺喉清甜。什锦寿司配迷你牛肉乌冬      $168什锦寿司包括赤身、油甘鱼、日本直送鱼、三文鱼、帆立贝、甜虾、海胆及玉子。每件寿司新鲜又肥美，油甘鱼淡淡甘甜，独特清爽口感，三文鱼散发鱼油香气，入口充满油脂，赤身鱼肉质结实有