牛牛日式火鍋放題 (北角匯二期)

营业中

休息中

自从疫情开始都无去打边炉，通常打边炉都要约埋三五知己去烚下烚下，但上星期中午去左位于北角汇既牛牛火锅日式放题，无论食物质素、卫生环境、食物选择、价格等等都非常好，绝对推介而家响限聚底下既餐厅。午餐有60分钟同90分钟选择，我地就择左$178既90分钟美国顶级牛肉放题套餐，包括任点两款牛肉、一款猪肉和一款羊肉；每人一锅，非常衞生，同时亦可以拣自己喜欢既汤底。汤底有六款选择，我哋唔食辣，所以一个点猪骨锅，另一个点秘见锅，虽然汤底唔算浓郁，但越食越入味。除咗四款任点肉类，以自助形式有多款蔬菜、丸、芝士肠等等的火锅配料，非常多选择。肉既质素非常高，每块肉既脂肪分布平均，牛肉猪肉羊肉每款都好味，而顶级牛比起特级牛明显系较为高质素。食完火锅更系要食埋甜品，有高质素既movenpick雪糕，同埋Oreo雪条，两款都要留肚食，真系值回票价。