金滿膳燒味餐室 (已結業)

咁啱响附近返工，见到呢边开咗间新餐厅，lunch就同同事试咗呢间，门口啲烧味睇落都几吸引，入到去干净企理。秘制熏蹄饭$48啲熏蹄嘅份量适中，最重要系味道真系唔差，比起其他地方嘅熏蹄，佢哋呢度嘅食落去咸香又唔油腻，好啱送饭食。柚子蜜叉烧饭$48叉烧饭最值得推介，肥瘦适中，咬落去叉烧嘅肉汁同蜜汁融合得好好，最紧要柚子蜜嘅少少酸甜味令叉烧食落一啲都唔腻。另外想赞一赞呢到既白饭，煮得软硬适中，而家好少店系做到呢件事！