Bingle Bingle 空中列車烤肉

营业中

休息中

今次试咗位于荔枝角嘅一间连锁烧肉店。佢位于荔枝角AEON，店舖都几大，座位位置都好阔下。依度主打嘅系烧肉套餐，一份肉再配饭，汤，同埋小菜。今次同朋友就每人嗌咗个套餐，分别嗌咗店舖人气嘅宫崎和牛套餐同美国牛五花加牛小排套餐。凹晒桥空中列车，点完餐之后会由一㗎列车仔送成个套餐俾你，几得意。舖头嘅酱汁都非常充足，除咗普通嘅烧肉酱，盐，黑椒，仲有香草蒜蓉烧肉汁同韩式辣椒酱，任君选择。先讲宫崎牛餐。个餐除咗宫崎和牛，其实都仲有另外两款牛，韩牛同埋A4和牛件。真系估唔到咁肥美，食落真系媲美日本食嘅和牛咁。每个人前面都有个炉仔，逐块即烧即食，真系劲满足！而美国牛五花同牛小排套餐就胜在份量极多，啱晒钟意食肉嘅人，但当然肉味都好足亦都非常肥美。最后再加咗点牛舌，感觉上有少少重口味，酱汁味比较浓。餐厅外面亦都免费提供柠檬水俾大家任饮，方便大家油腻嘅时候解一解，值得一赞。总结嚟讲，对于一间相对平民嘅烧肉店呢度嘅肉质量非常之高，属于性价比相当之唔错嘅选择。几推荐钟意食肉嘅人试吓。