影片
更多
2022-12-30
106 浏览
一直对我地爱护有加既老板生日，冇理由唔请佢食好少少啦! 我地一行6个人去左呢度食鐡板烧午餐。订位时我特登安排坐卡位，可以一路同师傅吹水一路睇住师傅煮野食，铁板烧既精髓就系呢度！我点左个虎铁特选D餐 (HKD688) 入边有沙律、黑鱼子鹅肝蒸蛋、 豆腐鱼汤白鳕鱼、 匈牙利鹅肝、 日本熊本A5和牛厚烧 、 香煎野菜、 味噌汤、 和牛炒饭、 甜品/咖啡，正常既人一定够晒食。先食个蒸蛋，一般茶碗蒸都系个用个碗装住D蛋，呢个就系用个蛋壳装住，净系卖相都加晒分，入边既鹅肝唔会太腻，加埋黑鱼子个感觉好高级，个蛋都蒸到好滑!之后再饮个豆腐鱼汤白鳕鱼，鳕鱼系系铁板香煎左先，再插上煎香既鱼皮，再加落个汤面度，加埋豆腐汤整体配合得几好。再来就系香煎匈牙利鹅肝，鹅肝好大块，唔似出边得豆润咁细，加埋黑醋淋上面减低油腻感，平衡得唔错。之后就系主菜，日本熊本A5和牛厚烧，碟边系放岩盐，蒜片煎得香脆，连埋和牛一齐增加香气。生熟度控制得啱啱好，又唔会太油腻。呢个都系诚意之作。我订位时Openrice有9折优惠，所以埋单基本上唔驶比加一，老板好满意呢餐。
我点左个虎铁特选D餐 (HKD688) 入边有沙律、黑鱼子鹅肝蒸蛋、 豆腐鱼汤白鳕鱼、 匈牙利鹅肝、 日本熊本A5和牛厚烧 、 香煎野菜、 味噌汤、 和牛炒饭、 甜品/咖啡，正常既人一定够晒食。
先食个蒸蛋，一般茶碗蒸都系个用个碗装住D蛋，呢个就系用个蛋壳装住，净系卖相都加晒分，入边既鹅肝唔会太腻，加埋黑鱼子个感觉好高级，个蛋都蒸到好滑!
黑鱼子鹅肝蒸蛋
10 浏览
0 赞好
0 留言
之后再饮个豆腐鱼汤白鳕鱼，鳕鱼系系铁板香煎左先，再插上煎香既鱼皮，再加落个汤面度，加埋豆腐汤整体配合得几好。
豆腐鱼汤白鳕鱼
10 浏览
0 赞好
0 留言
再来就系香煎匈牙利鹅肝，鹅肝好大块，唔似出边得豆润咁细，加埋黑醋淋上面减低油腻感，平衡得唔错。
匈牙利鹅肝
21 浏览
0 赞好
0 留言
之后就系主菜，日本熊本A5和牛厚烧，碟边系放岩盐，蒜片煎得香脆，连埋和牛一齐增加香气。生熟度控制得啱啱好，又唔会太油腻。呢个都系诚意之作。
日本熊本A5和牛厚烧
20 浏览
0 赞好
0 留言
我订位时Openrice有9折优惠，所以埋单基本上唔驶比加一，老板好满意呢餐。
张贴
