Shine (已結業)

我个人系几钟意有特式设计既餐厅，可以坐得舒服之余，环境又岩倾计同食饭~ 今日男朋友仔就好有爱咁静静鸡咁book呢间shine~ 一上到黎 我即刻被佢d灯光吸引到 ~巧妙既铺设令到环境有d暗得黎又唔会影响到视野，仲feel到几有情调。我地差d挂住影相讲野都唔记得叫野食，最后我地叫各自叫咗自己想食嘅嘢，我就叫咗三文鱼沙律配北海道带子，d带子既份量都算多，配埋啲西柚几开胃~男朋友就嗌咗个龙虾汤同埋芝士焗加拿大龙虾意大利饭，因为啱啱侍应讲今日新鲜推介到货系龙虾 ，所以佢就叫咗~我试咗少少，龙虾汤都几浓~味道都可以。到我最期待嘅安格斯特级汉堡~个包入面有块蘑菇牛肉非常之夹，薯条真系啱啱炸好新鲜出嚟，好脆呀，正~同埋我哋book咗枱有卡位𠮶个卡位咁啱行到少少海景，都叫有惊喜~最后我哋埋完单走个阵几个侍应都有同我哋讲拜拜，非常有礼，期待下次再黎，男友今次安排得好周到~填飞仔都有安排埋 贴心~