RuRu Tapas Restaurant (已結業)

好日都唔会嚟大角咀呢头 但今日咁岩嚟到呢度附近又俾我误打误撞揾到间几唔错嘅西班牙小餐厅😏 餐厅嘅装修风格都几chill 夜晚就会变成酒吧🍻呢度嘅食物主打西班牙菜 而且种类都几多讲到西班牙菜又点少得西班牙辣椒仔•西班牙辣椒仔🫑•-虽然叫得做辣椒仔 但其实食落一啲都唔辣架！所以唔食辣嘅朋友都唔使怕😆呢度嘅师傅炸到外皮得劲香脆 但咬落就爽口甘甜👍🏻•西班牙芝士拼盘🧀•-虽然平时好少食芝士 但今次食主要系欣赏佢哋嘅配搭！外国人食芝士可能会配埋少少蜜糖 但呢度就用咗港式做法 餐厅自家制一啲炒芝麻糖送芝士 同样都系带少少甜 但就脆口好多 估唔到呢个配搭又几衬😍•慢煮鸡胸🐔•-终于到主菜啦！呢款真系超级值得推介 因为餐厅系用咗日本鸡 食落肉质鲜甜之余仲用咗慢煮嘅做法 可以锁住鸡嘅肉汁 仲要劲弹牙 简直系将鸡肉带到另一个层次🤣🤣.估唔到呢间看似酒吧嘅西班牙餐厅质素咁高 下次饮嘢可以再嚟一试🙈