鐵板世家

营业中

休息中

最近我去咗旺角嘅「铁板世家」，真系食到好满足，无论系食物质素、环境气氛都非常好，难怪当晚平日都全场满客！汤方面，一坐低未嗌嘢食店员已经问饮咩汤🤣。我地「白汤-忌廉汤」同「红汤-罗宋汤」各叫咗1份。白汤滑滑地，奶香味浓郁。罗宋汤则酸酸甜甜，味道清新，唔会太浓重，好开胃！首先讲讲「铁板肉眼牛扒」，我叫咗五成熟。牛扒外层煎得香脆，里面保持住肉质嘅鲜嫩，咬落去Juicy到爆，肉味十足，真系好开心。铁板系超热，"喳喳"声响咗好耐都唔停。佢哋用嘅黑椒酱汁亦非常好味，搭配牛扒一齐食，简直系无得输！每一口都充满满足感，真系一个牛扒爱好者唔可以错过嘅选择。薯条份量亦好多，男仔都够食。朋友试咗「铁板珍宝什扒」，呢个拼盘集齐咗唔同嘅肉类，包括猪肉、鸡肉同牛肉，口感多样化。每样肉类都煮得刚刚好！仲有肠仔，烟肉，薯条，份量十足，种类好多，呢个拼盘非常适合想试唔同口味嘅朋友。饮品方面，我选择咗冻柠檬水同冻柠檬茶，正常发挥，唔错！环境方面，铁板世家嘅装潢简约而时尚，坐落在旺角这个繁忙地段却又有一种轻松的感觉，"喳喳"铁板声配合店内嘅怀旧装修，别有一番香港独有的味道。