The Steakhaus

营业中

休息中

今日同朋友慶祝生日，去咗一間位於太子道西的西餐廳。環境佈置好有格調，氣氛柔和。成人水果酒比起我哋飲開的水果茶，橙味重一點，因為加咗酒精所以為之成人版，酸酸甜甜，口感豐富。Blue Monday SteakM9和牛牛內裙（8oz）配薯條及沙律菜可能係星期一Special, 叫左試吓。性價比高，肉本身質素高，肉質鮮嫩，呈粉紅色，能保持肉汁。伴碟的沙律菜新鮮，薯條剛剛炸起，超讚。豬仔骨（4支骨）配酸黄瓜豬仔骨燒得岩岩好，少許焦香，豬仔骨肉質嫩滑，充滿肉汁。啖啖肉唔會得條骨，加了蜜糖和燒汁份外野味。滿滿蜆肉蝴蝶粉分量十足，蜆肉多，好鮮味，有少許辣。西班牙油炸鬼是西班牙有名的甜品，油炸鬼炸得鬆脆，唔會覺得肥膩，配上近期大熱的開心果味雪糕，好味。朱古力布朗尼配雪糕布朗尼朱古力味濃郁，同樣配上開心果雪糕，雪糕和布朗尼的味道互相中和。朱古力fans必點。