茶記冰室 (已結業)

好耐都冇见过有餐厅可以做晚市需要等位架啦！好在唔系等好耐，五分钟左右啦！今晚几平静，一于出街消费，食返之前食开既两个𩠌加多个菜，两口子，份量啱啱好。黑椒鸡中亦想像中，以为佢会系干身，有好多黑椒，但原来系湿炒，仲配埋青椒，红黄绿色都有。都吸引到我眼球既。味道系 very good，有黑椒既香辣，够野味；同时亦有蜜糖既甜味戥返匀。黄金鲜鱿个咸蛋浆做得唔错！啲鲜鱿炸完会出水，本应会湿身，咸蛋浆就「痴」唔住。所以好讲个厨既功力。意思系，如果做到外脆而唔硬，内里唔出水但又唔干到似柴。真系唔容易。呢个厨可以做到外脆，但里面仲系有少少湿。但系个皮唔系劲厚，所以我都会比个 like 佢既。啫啫通菜煲通菜如果用煲上呢，会怕佢焗到干晒或者黄金金。呢到就保持到啲通菜系有水份，唔干身。加上虾干够野味。但重点系佢唔会好咸，同埋唔会好油。食菜都系为健康啫。如果太多油，又或者太咸都唔好。佢好就系好在呢两样都唔多。