高橋沾麵製作所 (已結業)

不嬲都会抄底朋友说过好的餐厅，呢间高桥沾面就系例子。系奥海城food court 入面有好野？我都觉得几出奇，仲要又话龙虾汤底又有3L广岛蚝，都系唔驶$100一碗，仲要几个朋友推荐，真系会令人好好奇。呢日行开个头，一个人都要试下呢个极上3L广岛蚝龙虾沾面，讲真，剩系个名都值一旧水。最重要唔多人排队，缺点系无左拉面店风味，不过野食好就无问题。拉面选择好多，沾面当然优先了，第一次试当然要试佢最出色嘅极上3L广岛蚝龙虾沾面。不用10分钟便上菜，非常快。热辣辣嘅锅，龙虾汤尝一口，系几浓几香同有微微龙虾香，不过弱点系唔够汤。个面系几挂汤，都算香麦味，我相信吃拉面都会唔错。只溏心蛋，算合格。叉烧唔算太肥，较为薄的那种，肉唔算太多，我觉得刚好。3L广岛蚝当然系重点，都几大只，炸得唔算热气，而家保持到那股广岛蚝的浓烈香气。可惜今日得一个人，试唔得多，沾面来些，有啲诚意，佢嘅选择都算多，以Food court水准，完全唔hea。