高橋沾麵製作所 (已結業)

晏昼经过奥海城去咗入面嘅 Food Republic，谂住随随便便食个快餐，拣咗一阵都唔系好拣到餐厅，见到有间食沾面嘅高桥沾面制作所，谂住特别少少试一试，见佢有个高桥龙虾沾面，张相有个龙虾钳好似几吸引，就叫咗一个嚟食，预咗一定会图文不符，始终几十蚊唔通真系会有咩龙虾食咩，所以抱住个随随便便嘅心态去食，个汁系石头锅上餐，出餐嘅时候滚到出晒烟，其实见到感觉都唔错，个面就另上，仲有流心蛋、豚肉同埋其他配料，啲面我觉得软硬适中，留心蛋就一般般流心，个沾面汁其实好似龙虾汤，个汁杰身咗少少，不过可以接受，虽然冇只龙虾钳俾你，但系入面都有龙虾肉，老实讲龙虾肉唔算多，但系价钱对比我觉得都合理，个面都几挂汁，至于个豚肉稍肥但系都几腍，肉身未做到焦香效果，不过味道都唔差，特别系以 food court 嚟讲，质素算唔错。