金滿膳燒味餐室 (已結業)

屋企楼下开左呢间新烧味餐室，感觉几高档今日终于有时间去试试透明玻璃窗好干净，挂满烧味，靓唔靓一眼俾你睇哂 平时见好多街坊都烧味外卖加𩠌叫左个2人餐 188 有乳猪例牌 (今日卖哂乳猪, 改左烧鹅) 烧味双并 可以自己拣 (我拣左叉油鸡) 油菜例汤2个饭/面/粉 2杯饮品 师传好钖我，俾左半只烧鹅脾 ~正呀~ 呢度既烧鹅系薰香烧鹅，食入口真系有D香味 皮好薄，而且无肥膏~ 肉好嫩，唔系嚡习习个只味道属于淡口，唔会好浓，仲食到鹅味 叉烧拼油鸡 今日问番，先知我女唔知咩系油鸡 咪即系豉油鸡啰~即刻点个俾佢食。鸡肉几滑，唔嚡，豉油鸡的鸡皮好重要，呢度既鸡皮无乜肥膏, 够爽。不错不过个姜蓉有D过咸叉烧系柚子蜜叉烧黎, 几有GIMMICK 不过唔记得要半肥瘦，成旧瘦叉有少少嚡~ 唔知点解食烧味就好想拼濑粉 (原来阿女又未食过濑粉~@@ ) 濑粉是广东省著名传统小吃，用稻米打磨之后的粘米粉整成我估同烧味一样出自广东，所以成为朋友而且濑粉唔会索油，唔怕索哂烧味既油，所以佢地会成日一齐出现（以上只系个人谂法～）呢度既濑粉比较粗身，几弹牙，唔会淋PAT PAT 。仲好大碗~@@ 阿女点的公仔面 ~ 完全唔