惠 (已結業)

仲记得之前喺湾仔食嘢，周街都系嘢食！有好多唔同嘅茶餐厅，小菜馆，糖水店，好多嘢都有得食！今次比我揾咗一间好出色好高水准嘅日式厨师发办！❤️当系庆祝一下！入到去座位唔多，不过好舒适，最重点系食omakase一定要同厨师一齐坐，一路食一路讲解先至食得过瘾！整体来讲菜式嘅食物质素都好高水准！特别钟意呢度嘅生蚝同埋海胆！先讲一讲个生蚝，呢只生蚝真系好大只，成只手板咁大只！食生蚝可以分几啖食真系好正，生蚝嘅肚位食落去嘅时候好creamy！而且裙边亦都好有咬口！好正好新鲜！至于呢个海胆寿司一望到就已经觉得好正，系好新鲜好靓嘅颜色！摆入口嘅时候好鲜甜，呢个甜度可以话系我食过好好食嘅海胆之一！