利豐打冷小廚

营业中

休息中

难得放假，就约了三五知己来到这间店吃晚饭，叫了几碟呢间舖头的撚手小菜。一去到就见到所有位坐爆晒，好彩头轮啱啱转咗，冇几耐就有一张空枱，老板非常热情，极力推介我地食羊腩煲同埋炸蚝饼，另外我地仲叫咗口水鸡、炒花甲、金银蛋菠菜同菠萝咕噜肉。先讲老板所推介的羊腩煲跟生菜，一上来就感受到腩煲的肉香，而食落口感嫩滑，羊肉冇膻味，老板果然没有介绍错。跟住就系炸蚝饼，炸粉的粉浆唔太厚，所以食落唔觉浆口，非常松脆，而又不失蚝的鲜味，一流！再来一碟生炒骨，酸酸甜甜，最令我印象深刻嘅系啲菠萝，食落去好爽口，菠萝味重，炒菠萝食落竟然可以同新鲜菠萝一样味道。厨师功力可见一斑。炒花甲：味道稍为咸，但加上辣椒同豆椒去炒，带出蚬肉的味道。口水鸡：配料充足，有齐各种四川菜有的香料，但只鸡食落去啲肉较为霉口，不过不失。最后碟菜都ok，没有多大惊喜。整体来说，该舖头的菜式质素都有一定水准，厨师厨功亦一流，埋单计数每位大约一百元，实为一个高水准的食肆。