宴 尖沙咀

为答谢朋友嘅帮忙，带佢嚟呢间朋友推介嘅餐厅食日式放题，食物同服务都超高水准，系值得一试嘅餐厅。我哋食嘅套餐系松餐火锅放题，呢个套餐系所有食物都任食，最正系连松叶蟹都可以任食。松叶蟹系最高级嘅蟹之一，肉质有弹性，软滑多汁，甜味十足，蟹膏甘香浓郁。松餐嘅汤底就系酱油汤同猪骨汤嘅拼锅，酱油汤虽然系酱油味，但味道都唔会好咸，而猪骨汤味道清润带甜又香醇，淡淡滋味，两个汤底可以试到两种唔同特色嘅味道。靓汤底配埋特上宫崎和牛，简直一流。牛肉嘅肉质细腻、鲜嫩多汁，带有丰富嘅油花。肉质呈现出明显嘅大理石花纹，口感柔软，入口即化。而日本豚肉劲弹力嘅口感，浓厚嘅鲜味，肉质细嫩且带有适当脂肪，口感格外软嫩。日本餐梗系唔少得刺身拼盘，每一款刺身都相当新鲜，完全冇腥味，味道鲜甜之余仲带有淡淡嘅海水味，食到停唔到口。