影片
更多
2021-10-13
688 浏览
呢晚同几位旧同事食饭聚旧👯♂️，佢哋都喺中上环一带返工，所以晚餐地点就拣咗位于上环嘅「井巷子 by 锋膳」，聚会食中菜就最适合不过。我哋早去到餐厅就未算太多人，但一过咗七点半，客人就陆续嚟到，全场满座。我哋一行四人获安排坐喺卡位，私隐度高👍。餐牌选择非常多🥢，睇到人眼花撩乱。佢无论小食、主菜、汤品、饭面抑或甜品等都一应俱全，其中更细分各种川辣制法嘅菜式，好讲究。藤椒酱香鸡($138)，佢同手撕鸡唔同，因为系切成鸡柳条，口感更为滑身。🐓鸡种用上新鲜三黄鸡，酱汁系精华所在。藤椒著重嘅系麻味，但𠮶种麻又唔会太呛，辣味亦唔强，加上佢绿绿哋色，令人联想起日式芥末。脆皮烧腩仔($195)，🐷烧腩仔选料严格，用上指定诺邓盐调腌，听讲系来自云南；而猪只就采用西班牙向日葵甘栗豚，派头够晒劲啊。烧腩仔整齐排列，猪皮烧得非常香脆，而肉嘅部份肥瘦适中，咸度亦啱啱好。井巷子片皮鸭($350/半只)，片皮鸭由四部份组成，包括有鸭皮鸭肉、配料、薄饼皮同埋自家制海鲜酱。其中放薄饼皮个蒸笼下低有火㷫住，所以令佢哋全程暖笠笠，保持松软🫓。餐厅附上食用教学，好贴心。每块饼皮先放上鸭皮同鸭肉🍗，其后再添加配菜同酱，折合后就可
我哋早去到餐厅就未算太多人，但一过咗七点半，客人就陆续嚟到，全场满座。我哋一行四人获安排坐喺卡位，私隐度高👍。
餐牌选择非常多🥢，睇到人眼花撩乱。佢无论小食、主菜、汤品、饭面抑或甜品等都一应俱全，其中更细分各种川辣制法嘅菜式，好讲究。
藤椒酱香鸡
$138
15 浏览
0 赞好
0 留言
脆皮烧腩仔
$195
15 浏览
0 赞好
0 留言
井巷子片皮鸭
$350
7 浏览
0 赞好
0 留言
餐厅附上食用教学，好贴心。每块饼皮先放上鸭皮同鸭肉🍗，其后再添加配菜同酱，折合后就可食用。鸭皮又脆又多汁，无乜多余皮下脂肪，唔会过份肥腻。配料款式特别，例如有金奇异果同哈密瓜，甜甜的，以丰富片皮鸭味道，但略嫌份量偏少。不过整体夹埋食系正嘅！
蕃茄蛋花花胶汤($80/位)，🍅蕃茄汤新鲜滚热辣送上，呈深红色，味道亦一如所料偏浓味，酸度十足，皆因佢用上大量鲜蕃茄熬煮，同时更加入花胶条作伴，更显矜贵。
炝炒青城腊肉菜花
$148
27 浏览
0 赞好
0 留言
重庆水煮牛肉牛脷
$500
18 浏览
0 赞好
0 留言
龙虾球麻婆豆腐伴炸馒头($680/4位)，麻婆豆腐有著传统口味，滑溜豆腐配上用豆瓣酱炒香嘅蒜蓉肉碎，咸度同辣度协调，而且更加入爽弹龙虾球🦞，令菜式生色不少。每碟均配有一件炸馒头，用佢沾嚟食无得输。
鲜杂果土红糖冰粉($58/位)，呢碗冰粉同平日食开嘅好唔同。首先冰粉选用红糖制成，呈粉红色，配料五彩缤纷🌈，舖上新鲜杂果、松子仁以及糖粉。食落唔会太甜，又可清清味蕾。
食完甜品仲有时令水果🍇，分别系香印提子同哈密瓜，两样都好甜，不愧为高级水果。
总括嚟讲，呢顿晚餐令人满意，简单啲讲就系每道菜式都好味道😋，离开餐厅时喺门口见到啲奖状，先发现佢原来荣获米芝莲推介，佢果然不负此美誉。人均消费唔平，不过各方面均值回票价。最后，店员们服务态度亦都优秀。
张贴
