樂天皇朝 (東薈城名店倉)

营业中

休息中

每当小笼包瘾起嘅时候就会去乐天皇朝止瘾，佢嘅小笼包皮薄多汁有保证，$62 有6粒，仲有八款味道可以选择。除咗小笼包，呢度嘅拉面亦都好出色，质地滑溜有嚼劲，今次叫咗虾仁酸辣汤拉面（$68），酸辣开胃，调味刚好，汤底亦不会太稀太稠，份量亦都算大碗，价钱实惠。冷盘叫左四川夫妻肺片（$68）- 呢个冷盘每次都保持水准，川辣味够香够麻，辣得好过瘾。另外试咗京酱肉丝（$90），同北京填鸭嘅食法一样，味道口感亦都相似，肉丝味道香浓伴有京葱，份量多，本身跟六块皮，如果再多两块皮就perfect ~ 整体嚟讲乐天皇朝喺唔同分店食都保持水准，环境宽敞，上菜速度快，值得一赞👏🏻提提大家如果外卖自取仲有八折，方便嘅话买返屋企慢慢叹就可以更加经济。