影片
更多
2021-05-05
69 浏览
去唔到日本，想食好少少嘅日本嘢真系要试吓Omakase🤩朋友介绍尖沙咀漆咸围既呢间丰 Sushi Yutaka好有水准，所有刺身由日本新鲜空运到港，重点系Omakase都可以外卖自取，仲要有优惠添！可以拎返屋企慢慢叹。呢度嘅装修好简洁干净，而且围晒透明胶版，感觉就算堂食都食得安心。今晚得我自己一个人食，所以就拣咗平目薄切12片同埋厨师发板寿司6件，安坐家中好好享受一下！先讲平目薄切刺身，师傅现场即切，见到佢嘅刀工真系好犀利，厚薄适中，而且上面仲铺咗好多葱花同埋菊花碎，卖相好靓！师傅跟咗佢哋自家调制嘅日式鱼生豉油、Wasabi同埋特制嘅醋汁，入口好鲜甜又爽口呀！不得不提佢哋所用嘅米饭全部都采用特A级北海道七星米，加上所有菜式都系坚持用日本直送「八神山」水烹煮，所以佢哋嘅米饭系特别香滑软熟，加上寿司师傅即场手握既寿司饭食落口的确系特别有质感！吞拿鱼渍寿司腌咗少少味既吞拿鱼味道都几特别䲞鱼寿司䲞鱼食落烟韧有咬口，淡淡甘甜味道带子寿司带子好大只、好新鲜！好甜！甜虾寿司好大只既甜虾，肉质爽口又弹牙！正赤贝寿司新鲜嘅赤贝肉质非常爽脆同埋鲜甜油甘鱼寿司油甘鱼行都系我嘅最爱，钟意佢肉质爽得来但有少少油
朋友介绍尖沙咀漆咸围既呢间丰 Sushi Yutaka好有水准，所有刺身由日本新鲜空运到港，重点系Omakase都可以外卖自取，仲要有优惠添！可以拎返屋企慢慢叹。
呢度嘅装修好简洁干净，而且围晒透明胶版，感觉就算堂食都食得安心。
今晚得我自己一个人食，所以就拣咗平目薄切12片同埋厨师发板寿司6件，安坐家中好好享受一下！
先讲平目薄切刺身，师傅现场即切，见到佢嘅刀工真系好犀利，厚薄适中，而且上面仲铺咗好多葱花同埋菊花碎，卖相好靓！师傅跟咗佢哋自家调制嘅日式鱼生豉油、Wasabi同埋特制嘅醋汁，入口好鲜甜又爽口呀！
不得不提佢哋所用嘅米饭全部都采用特A级北海道七星米，加上所有菜式都系坚持用日本直送「八神山」水烹煮，所以佢哋嘅米饭系特别香滑软熟，加上寿司师傅即场手握既寿司饭食落口的确系特别有质感！
吞拿鱼渍寿司
腌咗少少味既吞拿鱼味道都几特别
䲞鱼寿司
䲞鱼食落烟韧有咬口，淡淡甘甜味道
带子寿司
带子好大只、好新鲜！好甜！
甜虾寿司
好大只既甜虾，肉质爽口又弹牙！正
赤贝寿司
新鲜嘅赤贝肉质非常爽脆同埋鲜甜
油甘鱼寿司
油甘鱼行都系我嘅最爱，钟意佢肉质爽得来但有少少油香！好滑呀！
果然系高水准之作，下次有机会一定会试埋堂食❤️
张贴
