南瀛水產

上网见到有唔少媒体都有介绍过呢间日本舖，所以今日约左老婆黎撑枱脚。用左唔少日本酒樽做布置。热情菠萝烧酎，酒味唔算重，始中菠萝既甜味都可以中和返酒既味道，酒中带甜。东瀛五点盛，分别有三文鱼、吞拿鱼、油甘鱼、带子同甜虾，食落一啲雪藏味都无仲好鲜甜。特别系第一次食到咁柔软既油甘鱼。南瀛卷寿司卷上面铺左海胆同吞拿蓉，形造出一个小山丘，另外仲有一堆三之鱼子喺下面。鱼蓉油脂甚重，海胆亦好creamy，而三文鱼子咸得黎又好甜。甲罗烧，卖相已经好吸引。活贝盛合，全部都系好新鲜。成个烧海鲜既过程都由职员负责，唔洗我地自己烧浪费左啲野食。甲罗烧落左鹌鹑蛋所以好滑，而虾肉增加左口感。鲍鱼烧到岩岩熟，好腍好爽口。蚬唔系全熟，热辣辣好鲜甜而且好弹牙。帆立贝，大只得黎又唔韧，煮完既少少汤都超甜。生蚝本身好大只，但之后烧烧下就缩水了，不过都重蚝味。原条鱿鱼比著我自己真系唔识烧到咁腍咁爽口之后再加埋酱汁一齐烧，味道更上一层楼，唔会过咸仲会食到鱿鱼鲜味，但又唔会咁寡。