影片
更多
2012-07-29
266 浏览
宝贝的生日饭，一众忙爆嘅朋友当日先揾地方食饭… = =很厉害嘅好友系OPENRICE揾到位于大坑的皇仁书院旧生会，更幸运的是，有人即日取消BOOKING，所以我地顶上了。(落BOOKING嘅先生不停话我地好彩，平常即日BOOK系无可能的)第一次唻到，门口已很有惊喜了，跟学校CANTEEN一样。然而，每道菜亦出乎意料之外的好吃。而且价钱以菜式来说唔算贵。菜式不是我点的，不是所有菜名都对，请见谅。第一道菜 - 桂花蜜饯炸蚝碟未上，桂花味先至。桂花茨汁甜而不涩，铺满肥美蚝身。清甜桂花配上炸蚝，估唔到系咁夹，桂花嘅清甜减去左炸蚝既＂热气＂。蚝非常新鲜，只只蚝身饱满、啖啖肉。蚝虽炸过，但唔油腻，蚝味亦很浓。有朋友临时唻唔到，我一连食左2只。第一道菜已令印象分大加，更加期待接下来嘅菜式。第二道菜 – 子姜花枝蚌仁炒鸽片一上菜，已经俾伴碟嘅橙片同青瓜片嘅刀功所吸引。近年来已经好少见到仲有为整靓碟𩠌而切嘅伴碟。花枝跟蚌仁炒得刚好，非常爽口。而第一次食炒鸽片，说真的我地都食唔出系咩，我地初时以为系牛、之后以为系猪润，哈哈！不过味道不错。而且朱迪最最最爱食子姜，系夏天时令菜！子姜微辣，炒得脆口。汤品 –
很厉害嘅好友系OPENRICE揾到位于大坑的皇仁书院旧生会，更幸运的是，有人即日取消BOOKING，所以我地顶上了。(落BOOKING嘅先生不停话我地好彩，平常即日BOOK系无可能的)
第一次唻到，门口已很有惊喜了，跟学校CANTEEN一样。
然而，每道菜亦出乎意料之外的好吃。而且价钱以菜式来说唔算贵。菜式不是我点的，不是所有菜名都对，请见谅。
第一道菜 - 桂花蜜饯炸蚝
碟未上，桂花味先至。桂花茨汁甜而不涩，铺满肥美蚝身。清甜桂花配上炸蚝，估唔到系咁夹，桂花嘅清甜减去左炸蚝既＂热气＂。
蚝非常新鲜，只只蚝身饱满、啖啖肉。蚝虽炸过，但唔油腻，蚝味亦很浓。
有朋友临时唻唔到，我一连食左2只。
第一道菜已令印象分大加，更加期待接下来嘅菜式。
第二道菜 – 子姜花枝蚌仁炒鸽片
一上菜，已经俾伴碟嘅橙片同青瓜片嘅刀功所吸引。近年来已经好少见到仲有为整靓碟𩠌而切嘅伴碟。花枝跟蚌仁炒得刚好，非常爽口。而第一次食炒鸽片，说真的我地都食唔出系咩，我地初时以为系牛、之后以为系猪润，哈哈！不过味道不错。
而且朱迪最最最爱食子姜，系夏天时令菜！子姜微辣，炒得脆口。
汤品 – 杏汁白肺汤
好耐无饮过嘅心机汤！整猪肺汤，功夫超级多，系出面已经唔系成日饮到了。而呢度嘅杏汁白肺汤材料重份量。猪肺、白菜、猪骨跟鸡脚十足。汤呈奶白色，带点黄油。汤味浓郁，杏仁味尚可，不过浓一点会更好。近期家中欠汤水，饮多两碗，滋润非常。
猪肺煮得非常腍，我地食汤渣都食到饱左。
第三道菜– 鲍汁柚皮鹅掌
第一次食柚皮，系食镛记嘅。之后已经食唔到好食嘅柚皮，一唻功夫多，二唻成本平，没太多酒楼肯花心机整。就算有卖，亦未必好食。皇仁嘅柚皮系食得第二好食的柚皮，柚皮炆得超腍又入味、无根，入口即融。柚皮用鲍汁扣、加上虾子，双重味道发放。而变成配角（^^）嘅鹅掌亦煮得非常腍，骨近乎甩出唻，胶质很重。寿星女大爱，食左好几只。唯一美中不足的是柚皮唔够喉，大块D会开心好多。
第四道菜 – 椒盐陈皮虾
用上较大只嘅海虾，油泡过嘅虾KEEP得到肉身弹牙，虾壳炸得香脆可口。而且大厨非常细心，挑走虾肠外，更连虾须及虾脚都剪走，绝对可以连壳食落肚~HAHA用上椒盐跟陈皮唻煮，第一次食用陈皮入馔嘅菜式，虽然平时唔食陈皮，但入口有陈皮嘅酸甜，倒也不错。陈皮中和左椒盐嘅咸辣，非常惹味。
第五道菜– 清蒸海斑
我唔食鱼嘅，所以浅尝以已。海斑非常大条、份量十足，但肉质很滑，朋友们吃得津津有味。第六道菜– 炸子鸡
生日饭当然要有炸子鸡，此时我地已经非常饱了，但都人人2旧努力KO佢。炸子鸡皮薄兼脆，而且鸡肉嫩滑。绝非如一般外间酒楼般粗制滥造。平常朱迪会点椒盐同喼汁，以去雪味，今次连椒盐都无点，因为鸡味已经十分够了。饭后甜点
西瓜配上话梅粉，听得多，食倒还是第一次。原来加左话梅粉真系甜好多，食一片西瓜，消一消济～
腰果露汤丸
平常好少食”咩咩露”，怕满口粉。但呢度嘅腰果露却唔会，相信系生磨嘅。
腰果露算系比较稀，腰果味很浓，口感亦很滑，唔算太甜。以饱餐一顿后来说，稀身反而更好，太稠反而会食唔落。配上芝麻汤丸，很饱，却很满足。
成餐饭都十分好吃，属高水准之作。坊间已经好少有如此高水准嘅心机中菜了。
不靠装潢，只靠食物水准及服务（员工是上一辈的，服务周到但心直口快，HAHA~或者有人会觉得笑容唔够，但我地却好受落。一式一样都倒模service同呢度系唔夹既~）都可以晚晚爆场，亦keep得到水准。绝对真心佩服!!
实在非常感谢BABY暂时暂急揾到嘅呢间好吃饭堂呢!!
小贴士，想吃的话，记住要预早好多订枱！！
张贴
