紅茶冰室 (已結業)

其实呢间餐厅成日食，佢好多食物都唔错，所以再写多个食评讲吓。今晚分别叫了一个常餐同咖喱吉烈猪扒饭。先系个常餐，丹麦多士配炒蛋、煎猪扒通粉。块丹麦多士劲香牛油味，而且上碟仲系热嘅，几松软，好食。炒蛋就无咩特别，而个煎猪扒通粉块猪扒煎得几香，唔韧同唔「鞋」，同埋通粉唔淋同个汤几浓味(一般茶记都系个汤淡而无味同埋啲通粉都已经淋晒)，令本身唔系咁钟意食汤通粉嘅我都会食。至于个咖喱吉烈猪扒饭，呢度啲咖喱不嬲都唔错(之前都食过焗咖喱薯仔牛肉饭，已经钟意佢啲咖喱汁)，有少少椰奶味，甜甜地。而佢啲吉烈猪扒超大嚿，咬落去外脆内软，值得推介。