快樂蜂 (振華大廈)

营业中

休息中

我好钟意食炸鸡。小朋友年代，目睹某某炸鸡连锁店快餐店登陆香港，简直惊为天人。佢强调以11种香料做配料，增添咗佢嘅炸鸡嘅神秘感，令我一直以为炸鸡要好味系唔可以好似中国人炸鸡咁生炸就算。今次食嘅呢间，喺好多年前已经登陆过香港一次，以前个名叫“祖乐堡”。经营唔够几年就退出香港，只留中环主店，到早几年先回归，连中文名都改埋。佢当年嘅炸鸡已经系夸啦啦架喇，回归后再试又竟然仲一啲退步都冇。虽然，当年其余出名嘅Aloha同汉堡扒饭都已经落架或退步咗好多。但唯独炸鸡系少少退步都冇，抵赞。早排仲突登带女朋友试，佢都认同一啲都唔会比某某炸鸡快餐店尊美。仍然系𠮶点，好味嘅就写食评赞下，希望佢唔会俾香港高昂嘅成本淘汰。味道普通嘅但有啲食品做得好嘅就以示鼓励。差嘅就一定要公开俾其他人知等佢哋有心理准备系我喺度出现嘅原因。