Fûhn (The L. Square) (已結業)

难得有朋友揾我食饭，忽发奇想去食越南野，于是就嚟到依间Fûhn食越南野。生熟牛肉牛坑腩片汤粉（$72）牛坑腩又淋又滑又有牛味，加上牛骨汤嘅味道，令牛肉味出晒黎，钟意牛嘅就要试下啦~香茅鸡扒捞檬（$69）越南野黎讲嘅，我最钟意就系食捞檬，特别夏天热辣辣，捞檬凉浸浸，食完就爽YY~而且酸酸甜甜，好醒胃呢个香茅鸡扒都好正，煎得啱啱好，有脆脆嘅外皮，又可以keep到里面肉质鲜嫩，Yummy~特上小食拼盘（$168）对于有选择困难症嘅我，叫呢个拼盘，就可以一次过满足晒六个愿望，里面包含左炸鸡翼、牛油鸡翼、椒盐软壳蟹、炸虾饼、炸扎肉、越式春卷，样样都好食！鸡翼香嫩，软壳蟹脆卜卜，虾饼啖啖肉，春卷皮薄馅满满的手牛油果奶昔（$49）牛油果既味道加上奶昔，令到整个口感好丰厚。牛油果味道偏重，钟意牛油果嘅人就要试吓啦！