Orange Elephant Thai Restaurant (博文街) (已搬遷) 新店位置

之前其实都有系九龙城食过呢间泰国菜，仲记得佢每日有唔同既一蚊菜式，所以今日黎到大角咀又同女友同埋妈咪一齐食佢啦。酸辣无骨凤爪，虽然系一蚊但都份量充足，酸酸辣辣系好开胃，个汁好惹味。炭烧猪颈肉影唔到下面个层，其实份量好大，唔会切到碎湿湿仲有表面既炭烧味好香。咸肉椰菜苗椰菜好似好大条，咸肉如果再脆口啲就更好。烧侧鱼真系我其中一个最爱既泰菜，呢到烧侧鱼入面好多汁，比起平时系九龙城其他泰菜馆都更加大条，可能系咁令佢入面保持到咁多汁嫩滑，非常推荐比喜欢鱼既朋友。我个人其实好怕食泰式炒饭，可能唔钟意佢地好钟意加酸味去炒（菠萝或茄汁）但呢个椰汁海鲜饭就唔同，上面有好多海鲜，加上椰浆同埋入面每汁饭都有椰汁，好入味同鲜甜。最后仲有个小食系炸虾饼，感受到系佢地手制同即炸，每块都好片，好弹牙同有虾味。总结我觉得orange elephant系一间水准好高，每样𩠌都高质又多汁（因为今日叫个啲𩠌都好juicy😂），员工服务态度好好，仲有各类水果冰（叫左芒果同青柠冰）可以叫埋走甜👍🏻女朋友叫既椰青都好新鲜，佢仲食晒啲椰肉✌🏻有机会黎开大角咀又想食泰菜，我会诚意推荐呢到。