Dodam Chicken (利舞臺廣場)

营业中

休息中

今日星期日，我同朋友系专程嚟呢度食韩式炸鸡嘅。话说食过另一间炸鸡，大感失望之后，就想揾返一间高级小小嘅平衡下心理。大概三点嘅时间餐厅冇乜人。⬇️落完单之后，好快职员就送上左手套。以往嘅经验系，用完都系会穿，唔穿一样会有味道，所以不如就环保少少用刀叉同埋夹食。⬇️我哋点左个香甜辣脆鸡（$192），差唔多系一只鸡嘅分量，足够两个人做午餐。个皮首先嘅感觉系甜，至于辣味系越食越有，另外面头亦都布满蒜头碎，相当惹味。炸鸡完全布满酱汁，少少死角也不漏，开头食嘅时候仲食到脆卜卜嘅鸡皮。⬇️必须赞一赞佢鸡肉嘅质地，系有质感弹牙嘅鸡肉，有鸡味，鸡肉唔太多脂肪，亦都保留着肉汁，绝对唔系连锁快餐店干到一丝丝嘅擦胶鸡肉咁嘅质素。食到最尾济济地仲可以加少少柠檬汁中和一下油腻嘅感觉。平时可能未必会比呢个价钱去食炸鸡，但系食完今次之后，终于明白系一分钱一分货嘅道理，炸鸡都可以值呢个价。