啡奴

营业中

休息中

一直想试嘅黄店，今日终于试到💕先讲装潢。一入铺已经见到大量文宣同连侬墙，真系非黄勿进。除左因社运而生嘅design之外，餐厅设计本身系工业风，相当阔落，枱同枱之间唔会太逼。另外，因为空间大，就算坐满人都唔会太嘈，呢一点相当好。再讲食物。食物价钱偏中上，lunch set有几款拣，价钱由$72至$108不等，属于正常cafe价钱。食物质素都系中上，不过个人认为份量少左少少(可能个人比较大食😹)。我自己叫左个意粉，我朋友就叫左个饭(如图)，饭𠮶个set份量好足，我试左一啖，味道都唔错。我自己个意粉就真系好好食，不过略嫌配料份量多过意粉。最后饮品。饮品跟餐加$20-$25不等，净嘢饮就好似30几至40几蚊不等。我朋友杯抹茶牛奶就正常味道，抹茶味重，个拉花好靓😹我杯印度香料奶茶就原谅我唔识欣赏，唔系话难饮，但总系怪怪地咁，而且好淡，不过见要加25蚊就合埋眼当苦茶饮左佢算，如果大家中意怪味嘅嘢绝对推荐你试😹不过份量都偏细杯，如果用原价买就唔抵(如果用同一个size嘅杯)。