稻乙日本料理

营业中

休息中

尖沙咀不嬲多好西食，今次要介紹嘅係omakase，餐廳裝修超日本居酒屋feel，更設有榻榻米席！♦️鮟鱇魚肝鮟鱇魚肝係居酒屋就見得多，食就第一次，同鵝肝口感相似，非常軟綿肥美，配上酸辣嘅漬物，油香感重而唔會膩！♦️鮫鰈魚薄切白身魚油膩感較紅身身低，鮮甜美更突出，雖然係薄切但口感好彈牙！♦️黑豚肉西京燒外皮燒到有啲脆脆地，西京燒汁以帶甜嘅白味噌做底，再加酒、味醂等調製，食落甜甜脆脆～♦️火炙左口邊魚壽司左口邊魚都係第一次食，火燒後油香感超突出，就好似入口即化咁，必定要試！♦️海膽壽司份量好誇張嘅海膽壽司，海膽味鮮美無腥味，超滿足😛♦️鯖魚壽司生嘅鯖魚第一次試，原來味道係咁鮮甜，肉質非常滑，別有一番風味！♦️鱈魚白子天婦羅白子係香港都係好少見嘅日本料理，天婦羅皮薄而脆，配埋軟林林嘅白子，成個口感好豐富！♦️魚湯烏冬魚湯完全無腥味，超鮮甜！配埋口感煙韌嘅烏冬，簡單perfect match～♦️豆腐雪糕食左咁多嘢，食翻個豆腐雪糕清清口都唔錯～