惠 (已結業)

一直都好想试下Omakase，但系价钱普遍都比较贵，而且质素都好参差😧。而咁啱近排撞正我生日，我嘅富婆frd就话带我来试下佢平时食开嘅Omakase嘅餐厅🙈，去𠮶阵好似𠮶间餐厅嘅sales咁样系咁赞话好好食🤣正因为如此，我对呢间餐厅嘅期望都颇高🧐今次我哋嗌佐【深海池鱼】，表面𠮶一小戳系木鱼花，银色部份系油脂位，用炭火轻轻烤过，深海池鱼口感软糯，由于用炭火烤过嘅原因，油脂味好出色，味道都几鲜甜，木鱼花亦都有浓郁嘅木鱼味，食落去都几咸香。另外叫佐【竹签鱼】，鱼嘅表层用炭火烤过，碟头都有少少姜蓉，可搭配埋鱼一齐食，从而淡化鱼腥味；而粉红色𠮶旧野个名都几特别，叫做【平政】，肉质爽口，油脂香就比之前𠮶两款较为淡，另外𠮶款白色嘅叫【白虾】，白虾肉质鲜甜，口感偏软糯。