影片
更多
2024-09-06
409 浏览
呢间店我系第二次黎食。第一次，我食嘅系沾面，而我嘅食评主要话："呢个沾面万事俱备，只系过咸"，结尾我亦话："正因为味道相常唔错，我下次会再试下汤面类"好喇，今日又有机会出击 👊背脂煮干拉面🍜香味 (4.5/5) - 非常香，我用力闻左几吓，每次都系咁强烈！面条 (4.5/5) - 太面，即系粗面，小卷曲，我选择左较硬。呢个面相当有咬口，烟韧，而有面香。汤头 (5/5) - 呢个汤令人眼前一亮，料头够晒浓味而唔会过咸，蔬菜甜味亦充足。背脂方面，其实我唔系太感觉到，可能背脂嘅存在意义就系增加香气吧了。原先我系冲住煮干汤而来，因为打正旗号做煮干汤嘅店非常少。背脂呢，我就本身系唔太好嘅，反而仲有少少抗拒，怕会太油腻，点知饮左啖汤之后，以上担心一扫而空。特别想话，煮干嘅味道非常好，就算撞埋酱油同背脂都好，煮干仍然系个主角。配料 (5/5) - 有两种叉烧，一系用左五花腩肉嘅切片叉烧，算高质，明显烧过提升香味，稔！二系用猪肩肉，口味较扎实嘅切片叉烧，高质之余，仲有惊喜！佢应该加左柚子，食落有一阵清新嘅味道！溏心蛋亦相当出色，够味而唔会太咸，蛋黄部份生熟程度无懈可击！之点解我话呢碗面高潮一浪接一浪，
好喇，今日又有机会出击 👊
背脂煮干拉面🍜
背脂煮干拉面🍜
$88
44 浏览
0 赞好
0 留言
面条 (4.5/5) - 太面，即系粗面，小卷曲，我选择左较硬。呢个面相当有咬口，烟韧，而有面香。
汤头 (5/5) - 呢个汤令人眼前一亮，料头够晒浓味而唔会过咸，蔬菜甜味亦充足。背脂方面，其实我唔系太感觉到，可能背脂嘅存在意义就系增加香气吧了。原先我系冲住煮干汤而来，因为打正旗号做煮干汤嘅店非常少。背脂呢，我就本身系唔太好嘅，反而仲有少少抗拒，怕会太油腻，点知饮左啖汤之后，以上担心一扫而空。特别想话，煮干嘅味道非常好，就算撞埋酱油同背脂都好，煮干仍然系个主角。
配料 (5/5) - 有两种叉烧，一系用左五花腩肉嘅切片叉烧，算高质，明显烧过提升香味，稔！
二系用猪肩肉，口味较扎实嘅切片叉烧，高质之余，仲有惊喜！佢应该加左柚子，食落有一阵清新嘅味道！
溏心蛋亦相当出色，够味而唔会太咸，蛋黄部份生熟程度无懈可击！
之点解我话呢碗面高潮一浪接一浪，除左以上拉面最重要元素之外，佢仲加埋洋葱，青葱同木耳丝，带来爽脆清新口感，连埋d面，一啖过park入口，好过瘾！
整体 - 值得推荐 👍👍👍👍👍
题外话/补充资料：
呢碗面，我系完全食晒兼且汤都饮晒，仲有d意犹未尽，呢个先系一碗好嘅拉面嘅终极标准 🎯。
(以上食记乃用户个人意见 , 并不代表OpenRice之观点。)
张贴
