影片
更多
2013-11-09
1570 浏览
莫师傅系我认识的厨师之中最出色的一个, 又煮得, 又talk得, 又睇得, 型到爆, 知识广博又富幽默感. 佢既铁板烧系我有生以来食过最好味的. 最近莫师傅系大坑开左间小店自己做老板, 我当然要黎捧下场, 成年无试佢既手势, 今晚一次过食晒佢既招牌菜, 再加几味新菜式, 真系不得了, 好味到隔左两个星期都仲好挂住, 好想再食.先黎头盆 - 三种刺身, 有拖罗, 海胆同赤贝. 超级靓料同劲新鲜就不在话下, 最可爱系海胆的 presentation. 用青瓜挖空个兜放入海胆, 侧边插住支开叉的竹签, 夹住两块紫菜, 俾你自己包住d海胆食, 成个造型好似只帆船仔咁, so cute!跟住系锅烧喜知次伴大蚬, 呢味菜式系铁板烧同锅烧既混合体, 先将厚厚的喜知次鱼柳用铁板煎香, 大蚬就放入锅中加大量清酒在旁边一路煎鱼一路煮蚬, 当鱼煎至半熟再放入锅中焗一焗, 个汁吸收晒大蚬既鲜甜同喜之次既鱼油香味, 鱼肉又香又滑, 睇晒成个烹调过程直到上碟, 令人更加期待, 真系好精彩.跟住落黎系一味超乎常人可以炮制得到的菜色 - 波士顿龙虾伴忌廉汁, 龙虾看似是铁板烧很普遍的菜式, 特别在于师傅的细心和耐力,
先黎头盆 - 三种刺身, 有拖罗, 海胆同赤贝. 超级靓料同劲新鲜就不在话下, 最可爱系海胆的 presentation. 用青瓜挖空个兜放入海胆, 侧边插住支开叉的竹签, 夹住两块紫菜, 俾你自己包住d海胆食, 成个造型好似只帆船仔咁, so cute!
跟住系锅烧喜知次伴大蚬, 呢味菜式系铁板烧同锅烧既混合体, 先将厚厚的喜知次鱼柳用铁板煎香, 大蚬就放入锅中加大量清酒在旁边一路煎鱼一路煮蚬, 当鱼煎至半熟再放入锅中焗一焗, 个汁吸收晒大蚬既鲜甜同喜之次既鱼油香味, 鱼肉又香又滑, 睇晒成个烹调过程直到上碟, 令人更加期待, 真系好精彩.
跟住落黎系一味超乎常人可以炮制得到的菜色 - 波士顿龙虾伴忌廉汁, 龙虾看似是铁板烧很普遍的菜式, 特别在于师傅的细心和耐力, 因为师傅一边煎龙虾, 一边用手小心奕奕地逐小逐小块地去掉龙虾拑的壳, 以保持肥美龙虾拑的完整, 其高温接近沸点, 真系差D连双手都熟埋, 啖啖龙虾肉再配埋个超级浓郁的虾羔酱汁, 食时谂返起头先师傅去壳果阵热到弹下弹下个样, 佢地为左炮制美食俾客人品尝而作出伟大的牺牲, 好感动呢!
跟住系万众期待既主角出场 – 特选A5和牛铁板烧, 食铁板烧必点的和牛, 莫师傅选用日本佐贺和牛, 烹煮之前先俾客人欣赏一下成件和牛未切之前个样, 在场人士即刻哗声四起, 净系睇佢D雪花纹已经知道系顶级靓货, 师傅随即手起刀落, 将大大旧牛肉一边煎一边切成小件, 一路飘来阵阵香气. 师傅在端上牛肉之前先送上配菜炸蒜片, 好大块的蒜片, 有成个一蚊银咁大, 原来系用日本靓蒜, 好香好脆, 食完都唔会成阵口气, 我未食牛肉已经食蒜食到唔停得口. 将热辣辣香喷喷的和牛送进咀里, 合上眼慢慢咀嚼, 油脂渗透在牙缝之间, 又是一阵感动.
再落黎已接近餐宴的尾声, 就系铁板炒饭和面豉汤, 估唔到呢个铁板炒饭竟然带来另一个高潮, 两位师傅同时表演, 净系睇佢地一齐落蛋一齐举起铁铲, 铁铲与铁板互相拷打撞击发出铿锵的声音, 果下功架真系杀死人, 全场女士都在尖叫, 好似小粉丝见到偶像一样, 一举手一投足, 太兴奋了.
高潮过后终于来到餐牌上最后一道菜 – 果物, 是温室蜜瓜和巨峰葡萄. 日本温室蜜瓜之多汁与鲜甜, 真系无其他水果可以媲美. 最惊喜是旁边晶莹剔透, 软软甜甜的白酒 jelly, 味道香浓带点醉意, 令人留下美好回忆.
铁板烧之奥妙就如一场精彩演出, 莫师傅和他的厨师团队在这个铁板舞台大放光明, 整个晚上高潮迭起, 兴奋指数爆灯, 心思思一定会再来.
张贴
