Sky726

食西餐除咗食味道之外，仲要食埋个环境，今次嚟呢间餐厅，环境真系一流，另外佢哋嘅服务态度嘅水准真系唔错。呢间餐厅都几多人食，可能贪佢气氛好好另外佢哋个生蚝package都几抵食，另外加多杯白酒都系$78另外佢哋有啲set dinner，总共有三款选择，但基于，想食多啲唔同款式嘅嘢，所以我哋冇叫到。气氛简直一流。先叫咗个烟三文鱼沙律，烟三文鱼嘅份量真系好多，比起出边嘅食肆足足多一倍，沙律菜配青瓜、蕃茄，加埋沙律醋，真系好开胃。墨西哥芝士薯条，佢有分素食同埋肉食，今次叫咗肉食薯条，佢嘅份量都几多，配上沙律酱、蕃茄、牛肉碎，比较似墨西哥薯片，因为落咗沙律酱，都会醒胃。慢煮16小时辣猪肋骨，口感一流，先讲个汁，虽然辣但系真系好浓味，辣辣地食落口唔开胃，虽然我哋已经食到饱饱地，但系都好想继续食，佢嘅肉嘅质地真系好淋，一切就撕开，加上焗薯角，正。最后叫咗个脆炸鱿鱼圈陪他他汁，鱿鱼圈啲肉好弹牙，但又唔会痴牙，新鲜热辣上菜好好食，配埋他他汁，真系一流。