Sky726

星期日同男朋友睇完电器之后，去Sky726食浪漫晚餐。我地叫左一个Set Dinner同散叫意粉加甜品。香草餐包够软熟。精致小吃系三文鱼慕丝，入口好细滑，咸既慕丝都几特别。烧南瓜沙律材料丰富，沙律菜新鲜，南瓜好味，仲有芝士粒、面包粒、番茄干。胡桃南瓜汤超好饮，口感十分幼滑，完全无粒粒，味道香甜。板烧自家熟成西冷牛扒伴香草牛油叫左五成熟，西冷煎得恰到好处，牛味浓郁，几大块又厚身，伴碟有芦笋同绵滑既薯蓉，正。跟餐甜品本身系法式朱古力挞，但无晒，变左系红莓芝士挞。有几层，味道唔错。餐饮叫左热咖啡。意大利手卷意粉伴野菌、辣肉肠及巴马臣芝士 手卷意粉口感几得意，面团感种啲，烟烟韧韧，野菌、辣肉肠、巴马臣芝士全部切碎，令到每食一啖都食到所有材料，好味。火焰朱古力球好igable，侍应会系你面前点火，佢系朱古力脆皮包住云尼拿雪糕同朱古力蛋糕。