Doux (已結業)

平时食嘢，大家都会去地面，最多都系几层高嘅商场大厦。今次朋友带我嚟旺角弥敦道18楼，享受高空美食。DouX 在法文有「柔软、甜蜜、 温馨」的意思。果然冇错，一出lift大堂就可以见到甜品Menu，造型新奇，好有特色。各种唔同嘅造型，我谂今晚无论点饱，都要留肚试一试。等食嘅时候，先视察下周围环境先，餐厅室内灯光昏暗，营造出舒服放松嘅环境，餐厅四四方方，设有一个小酒吧，晚上八点半，已经坐满食客，透过玻璃可以望到室外嘅环境，是放工后欢聚嘅好地方。烟三文鱼材料十足，配有提子干，合桃，拌匀沙律菜食，再加上黑醋，特别野味。小食拼盘，有四种材料组成，炸虾，炸薯条，炸鸡，还有炸芝士。侧边仲有沙律菜，可以清洗油腻。我觉得炸鸡好入味。再嚟就系黑松露杂菌意粉，本身餐牌系蝴蝶粉，因为我哋想食意粉，所以要求改意粉。餐厅配合我哋嘅需要，好乐意为我地改食材。呢个就系万众期待嘅甜品啦，修饰得非常之漂亮，好有艺术性质，有啫喱曲奇碎等修饰，围绕住主角就系水蜜桃造型嘅甜品，食落它的甜度啱啱好，而且带出咗水蜜桃嘅香味，值得推介。