影片
更多
2023-02-02
1296 浏览
假日嘅下午，想悠閒咁過！搵間靚餐廳，飲吓酒，歎美食~ 去咗中環嘅ODDS，大集團經營，高端大氣上檔次，質素有保證。 環境非常寧靜舒適，座位兩邊係壽司枱同鐵板燒枱，可以望住師傅們即席烹調。我哋食嘅係Brunch menu，每位$688包括一個Main同埋Free flowsnacks，再加咗2.5小時StandardPackage酒類free flow每位$250，包括有House Sparkling/ House White Wine/House Red Wine/Draught Beer。先飲杯House Sparkling，cheers~~【季節刺身拼盤】作為頭盤，有八爪魚、飛魚、油甘魚，擺盤精美。Free flow snacks有廿幾款，試完覺得好食可以喪叫～【蟹肉沙律】【ODDS海鮮沙律】兩款沙律都好足料，滿滿鮮蟹肉/魚生，要加埋新鮮沙律菜，開胃之選。【吞拿魚脆米餅】成塊米餅鋪滿吞拿魚蓉，食落口感香脆又滿口魚香，上面仲有香蔥同芝麻提味。【炸雞】新鮮炸出嚟熱辣辣，雞皮香脆雞肉嫩滑又juicy，食得出係靚雞肉嚟～【三文魚籽迷你壽司杯】每粒三文魚籽都晶瑩剔透，爆發鮮味，好滿足～【煙肉
我哋食嘅係Brunch menu，每位$688包括一個Main同埋Free flow
snacks，再加咗2.5小時Standard
Package酒類free flow每位$250，包括有House Sparkling/ House White Wine/House Red Wine/Draught Beer。
先飲杯House Sparkling，cheers~~
【季節刺身拼盤】作為頭盤，有八爪魚、飛魚、油甘魚，擺盤精美。
Free flow snacks有廿幾款，試完覺得好食可以喪叫～
【蟹肉沙律】【ODDS海鮮沙律】兩款沙律都好足料，滿滿鮮蟹肉/魚生，要加埋新鮮沙律菜，開胃之選。
【吞拿魚脆米餅】成塊米餅鋪滿吞拿魚蓉，食落口感香脆又滿口魚香，上面仲有香蔥同芝麻提味。
【炸雞】新鮮炸出嚟熱辣辣，雞皮香脆雞肉嫩滑又juicy，食得出係靚雞肉嚟～
【三文魚籽迷你壽司杯】每粒三文魚籽都晶瑩剔透，爆發鮮味，好滿足～
【煙肉麻糬串】香脆咸香煙肉配溫熱軟糯麻糬，兩種不同味道、口感，又幾夾～
【免治雞肉串】雞肉上面灑滿彩色芝麻，撈埋蛋汁食，口感香滑充滿蛋香同埋香濃雞肉味。
【燒菠蘿】擺碟好有熱帶氣息，菠蘿非常juicy，好似飲緊菠蘿汁咁，我哋叫咗好多次～必食呀！
【鐵板帶子】另一必食推介，帶子又厚又大粒，上面仲有啲三文魚籽同青醬。成粒放入口，帶子鮮甜多汁又香口，加埋三文魚籽係兩種不同嘅鮮味，真係超級好食，我哋前後每人食咗五粒。
主菜
【鐵板牛肉】薄燒牛肉入面係香蔥，連下面吸收咗肉汁鬆軟多士一齊食，肉香油香兼備。
【鐵板銀鱈魚】銀鱈魚魚肉雪白，口感嫩滑。上面有塊魚皮煎成嘅薄脆，幾特別。底下綠色嘅係西洋菜汁，另味道更多層次。
飯後點少得甜品～
【日本雪糕】柚子味酸酸甜甜，味道清香。
【日本蛋糕】朱古力蛋糕味道香濃又鬆軟，食落唔heavy～
食完cake就食啲傳統嘅日式甜品，【紅豆抹茶蕨餅】口感煙韌，抹茶清香同紅豆甜蜜蜜真係絕配～
今餐真係食得超級滿足，食物質素絕對遠高過一般日式放題，而且每樣食物都係即叫即整，計埋甜品我哋free flow咗二十幾碟，回晒本啦。
张贴
