影片
更多
2023-02-02
1279 浏览
假日嘅下午，想悠闲咁过！揾间靓餐厅，饮吓酒，叹美食~ 去咗中环嘅ODDS，大集团经营，高端大气上档次，质素有保证。 环境非常宁静舒适，座位两边系寿司枱同铁板烧枱，可以望住师傅们即席烹调。我哋食嘅系Brunch menu，每位$688包括一个Main同埋Free flowsnacks，再加咗2.5小时StandardPackage酒类free flow每位$250，包括有House Sparkling/ House White Wine/House Red Wine/Draught Beer。先饮杯House Sparkling，cheers~~【季节刺身拼盘】作为头盘，有八爪鱼、飞鱼、油甘鱼，摆盘精美。Free flow snacks有廿几款，试完觉得好食可以丧叫～【蟹肉沙律】【ODDS海鲜沙律】两款沙律都好足料，满满鲜蟹肉/鱼生，要加埋新鲜沙律菜，开胃之选。【吞拿鱼脆米饼】成块米饼铺满吞拿鱼蓉，食落口感香脆又满口鱼香，上面仲有香葱同芝麻提味。【炸鸡】新鲜炸出嚟热辣辣，鸡皮香脆鸡肉嫩滑又juicy，食得出系靓鸡肉嚟～【三文鱼籽迷你寿司杯】每粒三文鱼籽都晶莹剔透，爆发鲜味，好满足～【烟肉
我哋食嘅系Brunch menu，每位$688包括一个Main同埋Free flow
snacks，再加咗2.5小时Standard
Package酒类free flow每位$250，包括有House Sparkling/ House White Wine/House Red Wine/Draught Beer。
先饮杯House Sparkling，cheers~~
【季节刺身拼盘】作为头盘，有八爪鱼、飞鱼、油甘鱼，摆盘精美。
Free flow snacks有廿几款，试完觉得好食可以丧叫～
【蟹肉沙律】【ODDS海鲜沙律】两款沙律都好足料，满满鲜蟹肉/鱼生，要加埋新鲜沙律菜，开胃之选。
【吞拿鱼脆米饼】成块米饼铺满吞拿鱼蓉，食落口感香脆又满口鱼香，上面仲有香葱同芝麻提味。
【炸鸡】新鲜炸出嚟热辣辣，鸡皮香脆鸡肉嫩滑又juicy，食得出系靓鸡肉嚟～
【三文鱼籽迷你寿司杯】每粒三文鱼籽都晶莹剔透，爆发鲜味，好满足～
【烟肉麻糬串】香脆咸香烟肉配温热软糯麻糬，两种不同味道、口感，又几夹～
【免治鸡肉串】鸡肉上面洒满彩色芝麻，捞埋蛋汁食，口感香滑充满蛋香同埋香浓鸡肉味。
【烧菠萝】摆碟好有热带气息，菠萝非常juicy，好似饮紧菠萝汁咁，我哋叫咗好多次～必食呀！
【铁板带子】另一必食推介，带子又厚又大粒，上面仲有啲三文鱼籽同青酱。成粒放入口，带子鲜甜多汁又香口，加埋三文鱼籽系两种不同嘅鲜味，真系超级好食，我哋前后每人食咗五粒。
主菜
【铁板牛肉】薄烧牛肉入面系香葱，连下面吸收咗肉汁松软多士一齐食，肉香油香兼备。
【铁板银鳕鱼】银鳕鱼鱼肉雪白，口感嫩滑。上面有块鱼皮煎成嘅薄脆，几特别。底下绿色嘅系西洋菜汁，另味道更多层次。
饭后点少得甜品～
【日本雪糕】柚子味酸酸甜甜，味道清香。
【日本蛋糕】朱古力蛋糕味道香浓又松软，食落唔heavy～
食完cake就食啲传统嘅日式甜品，【红豆抹茶蕨饼】口感烟韧，抹茶清香同红豆甜蜜蜜真系绝配～
今餐真系食得超级满足，食物质素绝对远高过一般日式放题，而且每样食物都系即叫即整，计埋甜品我哋free flow咗二十几碟，回晒本啦。
张贴
