中華滙館 (已結業)

餐厅环境雅致，洋溢典雅风情，餐具同环境气尽显奢华，令人相当期待。食物款式都几丰富。餐具相当有特色，气派非凡，座位亦坐得几舒服。我地选择既菊花茶，有淡淡菊花清香，但如果浓味啲会更好。我地选择左话梅南瓜作为前菜，呢个菜式几乎每枱客人都有点。话梅酸酸地，同冰冻既南瓜融为一体，非常开胃。脆炸九肚鱼，外脆肉嫩，趁热食可以食到最佳口感。我最爱既一道菜，香煎北海道带子。带子香软，鲜味十足，令人回味无穷。银丝焗酿鲜蟹盖，外层冇乜味道。入面包住大量蟹肉，蘸上醋之后更好食。潮莲烧鹅😋个酱汁非常惹味，肉质香口。石锅海味捞面，入面有大量花胶，海参，鲍鱼丝。捞面味道唔会好单调，有经过调味。-服务同味道OK，主要都系食环境同气氛。